Ахборот бюллетенимизга обуна бўлинг
Twitter
Facebook
Youtube
Rss
M.logo uz cyrl

2018-09-14 | Таълим

АҚШнинг Вебстер университети ўзбекистонлик талабалар учун ўз эшикларини очди


5 сентябрь куни Ўзбекистон Давлат жаҳон тиллари университетида Вебстер университети ўқитувчилари ўзбек ҳамкасблари билан учрашдилар. (Ўзбекистон олий ва ўрта махсус таълим вазирлиги)

5 сентябрь куни Ўзбекистон Давлат жаҳон тиллари университетида Вебстер университети ўқитувчилари ўзбек ҳамкасблари билан учрашдилар. (Ўзбекистон олий ва ўрта махсус таълим вазирлиги)

Максим Енисеев

ТОШКЕНТ – 2019 йилнинг январь ойидан бошлаб, Вебстер университети Тошкентдаги Ўзбекистон Давлат жаҳон тиллари университетида (ЎзДЖТУ) «Бизнес бошқаруви» (МБА) йўналиши бўйича магистратура таълимини бошлайди, деб хабар берган эди Gazeta.uz сентябрь ойида.

АҚШнинг Сент-Луис шаҳрида жойлашган Вебстер университети ЎзДЖТУда «Инглиз тилини иккинчи тил сифатида ўқитиш» дастурини тақдим этмоқда. 5 сентябрдан бошлаб мазкур дастур асосида Ўзбекистон университетларининг бакалавр дипломига эга 125 та талабага таълим бериш бошланди.

Инглиз тили дастури Ўзбекистонда Америка университети томонидан тақдим этилган биринчи таълим лойиҳаси бўлади. Унинг нархи 4000 АҚШ долларини (31,5 миллион сўм) ташкил этади.


Вебстер университети инструктори университетнинг «Инглиз тилини иккинчи тил сифатида ўқитиш» магистрлик дастури талабаларини табрикламоқда, Тошкент, 5 сентябрь. (Ўзбекистон олий ва ўрта махсус таълим вазирлиги)

Вебстер университети инструктори университетнинг «Инглиз тилини иккинчи тил сифатида ўқитиш» магистрлик дастури талабаларини табрикламоқда, Тошкент, 5 сентябрь. (Ўзбекистон олий ва ўрта махсус таълим вазирлиги)

Битирувчилар Вебстер университети дипломига эга бўладилар.

Вебстер ва ЎзДЖТУ профессорлари Вебстер университети ишлаб чиққан дастур асосида талабаларга дарс ўтадилар.

Ўқитувчи ва талабалар мамнун

Ўзбекистонда инглиз тили ўқитувчилари ва таржимонлар етишмайди, дейди Тошкент мактабларидан бирининг ўқитувчиси Светлана Козирева.

Дастур ўқишни тамомлаганидан кейин инглиз тилидан дарс беришни истаган талабалар орасида оммалашади, деди у.

«21-асрда инглиз тилини билиш жуда муҳим. Фарзандларимизга эса ўқитувчилар керак», деди у Карвонсарой нашрига.

Тошкентдаги мактабнинг 10-синф ўқувчиси Замира Отахонова Вебстер таълим дастуридан мамнун эканлигини айтади.

Ўзбек университетларида таълим сифати паст, деди у. Хорижда таълим олишга эса ҳамманинг қурби етмайди, деб қўшимча қилди у.

«Ўзбекистонда Америка университетининг фаолият юритиши жуда яхши янгилик; у яна бошқа дастурларни ҳам таклиф этади деган умиддаман», деди у Карвонсарой нашрига. «Мен Вебстер университетида социология бўйича магистрлик йўналишида бажонидил таълим олган бўлардим.»

Сизга мақола ёқдими?

Ca mobile no 54

Фикрлар 14

Captcha
Comment bubble | 2019-02-11

Вебстер университети таълим дастурларига билдирган қизиқишингиз учун барчангизга раҳмат. Ҳозирда мавжуд TESL дастурлари ҳақида қуйидаги манзилдан маълумот оласиз. https://sites.google.com/view/webstertesl/tesl-in-uzbekistan. Дастурларимизга оид қўшимча маълумотлар тез орада эълон қилинади.

Жавоб бериш
Comment bubble | 2019-02-09

Good afternoon administration, I am really happy that such kind of university is opened in our country, but I dont noticed any extra datas about submitting aplication, what I should to do, any contact or email is available. Thanks Ҳурматли маъмурият, сизларга хайрли кун тилайман. Мамлакатимизда шундай университет очилганидан хурсандман, лекин ўқишга кириш учун қай тарзда ариза топшириш, нима қилишим кераклиги ҳақида қўшимча маълумот топа олмадим, бирор электрон почта манзили ёки контакт борми? Раҳмат

Жавоб бериш
Comment bubble | 2019-01-11

2020 йилдан бошлаб Вебстерда бакалавр даражасида ўқиса бўладими ёки фақат магистратурами?

Жавоб бериш
Comment bubble | 2019-01-10

Магистратурани 2019 йил январь ойидан бошласам бўладими?

Жавоб бериш
Comment bubble | 2019-01-04

Авваламбор Ассалому алейкум! Мақола жуда тушунарли ёзилган бироқ мен бир нарсага янада ойдинлик киритмоқчиман: Вебстер университетида ўқиш учун нималар қилиш керак? Қайси соҳани битирган бўлиш лозим? Жавоб учун олдиндан Ташаккур!

Жавоб бериш
Comment bubble | 2018-11-20

Илтимос университет электрон манзилини ёзиб қолдиринг

Жавоб бериш
Comment bubble | 2018-11-16

Мен ҳеч қандай телефон рақами ёки электрон почта манзилини топа олмадим.Университет ҳақида тўлиқ маълумот йўқ. Бундан ташқари, ариза топшириш учун алоҳида университет шаҳри ҳам йўқ. Талабларга жавоб бермас экан, бундай университетларни очишдан мақсад нима?

Жавоб бериш
Comment bubble reply | 2019-02-11

Қўшимча маълумотлар сўраб, қизиқиш билдирганингиз учун ташаккур. Батафсил ахборот учун қуйидаги манзилга мурожаат қилишингиз мумкин: https://sites.google.com/view/webstertesl/tesl-in-uzbekistan

Жавоб бериш
Comment bubble | 2018-11-03

Мен ҳам (ўқишни) хоҳлайман

Жавоб бериш
Comment bubble | 2018-10-27

Жин урсин... Қаерда экан?.. Ҳа, мана, чўнтакда арзимаган 4000 АҚШ доллари бор экан, топдим. Ана энди ўқишни бошлайман!!! Ура!!!

Жавоб бериш
Comment bubble | 2018-10-02

Илтимос, АҚШ билан биргаликда бизнес ва технология факультетини очинглар

Жавоб бериш
Comment bubble | 2018-10-01

Зўр фикр, Унинг амалга оширилгани учун раҳмат! Мен бу университетда таълим олаётганлигимдан ғурурланаман. Шарт-шароитлар ниҳоятда яхши. Янги бино ўзининг салобати ва ичидаги қулайликлари билан ажойиб таасурот қолдиради. Вебстер университети Халқаро стандартларга мос таълим олишимга ажойиб имконият беради! Мустақил Ўзбекистонга қилинган бундай совға учун барчангизга раҳмат!

Жавоб бериш
Comment bubble | 2018-09-29

Салом, бакалаврга ҳам ўқиса бўладими Вебстерда?

Жавоб бериш
Comment bubble | 2018-09-27

Вебстер университетининг бўлинмаси Тошкентда очилиши жуда яхши фикр, айтиб ўтилганидек ҳаммада ҳам чет элда таълим олиш имконияти мавжуд эмас, хорижий университетлар бўлинмалари мамлакатимизда очилиши келажакда бизга жуда кўп имкониятларни яратиб беради.

Жавоб бериш