http://central.asia-news.com/uz-Cyrl/articles/cnmi_ca/features/2019/09/20/feature-02
| Дипломатия

Россия Суриядаги «ҳалокат»ни тўхтатишга қаратилган БМТ резолюциясига вето қўйди

Карвонсарой ва AFP

30 август куни Россия ҳарбий самолётлари Суриянинг Урум ал-Кубра шаҳридаги касалхонани бомбардимон қилиши ортидан янги туғилган чақалоққа қараётган Сурия фуқаролик мудофааси («Оқ дубулғалилар») аъзоси.

БИРЛАШГАН МИЛЛАТЛАР ТАШКИЛОТИ – Россия ва Хитой пайшанба (19 сентябрь) куни Бирлашган Миллатлар Ташкилоти (БМТ) Хавфсизлик Кенгашининг резолюциясига вето қўйди. Суриянинг Идлиб вилоятида ўт очишни тўхтатишга чақирувчи ҳужжатни кенгашга аъзо 15 давлатдан 12 таси қўллаб-қувватлаган.

Резолюцияга овоз беришда етакчилардан бўлган Германия, Бельгия ва Қувайт тўрт ой аввал ҳукумат кучлари ҳужум бошлаганидан бери Идлибда ярим миллион суриялик кўчирилганини маълум қилганлар.

Улар агар уруш адвом этса, ушбу можаро асрнинг энг оғир гуманитар инқирозига айланиши мумкинлиги ҳақида огоҳлантириб, Россияни «соф гуманитар» чорага қарши вето қўймасликка чақирганлар.

Исёнчилар назоратида бўлган Идлиб шаҳридаги бино вайроналари олдида юрган одамлар, 16 сентябрь, Сурия. Ўтган йили Москва ва Анқара эришилган келишув Суриянинг Идлиб вилоятидаги хунрезликларга барҳам беришга қаратилган эди, аммо апрель охиридан бери ҳужумлар натижасидаги қурбон бўлганлар сони ошган. [Зайн Ал-Рифоий / AFP]

Аммо икки ҳафталик музокаралардан сўнг, «аксилтеррор операциялар» учун истисно киритиш ҳаракатлари зое кетгач, Россия ҳужжат матнини рад этди.

Муваффақиятсизликка учраган резолюцияга кўра, томонлар Идлибдаги «жуда ёмон ҳолатдаги гуманитар вазиятнинг янада оғирлашувига йўл қўймаслик мақсадида 21 сентябрь куни Дамашқ вақти билан кундузги соат 12 дан бошлаб жанговар ҳаракатларни тўхтатишлари керак» эди.

Россиянинг БМТдаги вакили Василий Небензя ҳар сафар Россия қўлловидаги Сурия режими ўз ҳудудини қайтариб олганида, Хавфсизлик кенгашининг бошқа аъзолари «гуманитар фаолликни авж олдириши» қоралаган.

«Резолюция аввал-бошдан муваффақиятсизликка маҳкум эди», деди у.

Ҳалокатли ҳужум

Россия ва Хитой муқобил резолюцияни таклиф қилди, аммо у пайшанба кунги мажлисда рад этилди.

Унда «оташкесим террорчи гуруҳларга алоқадор шахслар, гуруҳлар ва ташкилотларга қарши ҳарбий операцияларга тегишли бўлмаслиги» белгиланган эди.

Ғарб мамлакатлари резолюцияни бу кўринишда қабул қилиб бўлмаслигини айтиб, уни исталганча талқин қилиш мумкинлиги ва у тинч аҳолига қарши бомба ҳужумларини тўхтата олмаслигини таъкидлаганлар.

«Шифохоналар, мактаб ва аҳоли объектларига қарши ҳаво ҳужуми уюштириш террорчиларга қарши курашишга ёрдам бермайди», деди БМТдаги Бельгия вакили Марк Пекстин.

Россия Сурия шимоли-ғарбидаги Идлиб вилоятини исёнчи кучлардан тортиб олиш ҳаракатида тўрт ой давомида қонли ҳужум олиб борган Башар ал-Асад кучларини қўллаб-қувватламоқда.

Ўтган йили Россия ва Туркия эришган битимга кўра, Идлибда қон тўкилиши тўхтатилиши керак эди, аммо апрель охиридан яна бомба ҳужумлари бошланган.

Ўшандан бери ҳаво зарбалари ва ҳужумлар туфайли 1000 га яқин фуқаро ҳалок бўлган, деб хабар берган Сурия инсон ҳуқуқлари обсерваторияси.

«Гуманитар вазият хавотирли бўлиб қолмоқда», деди БМТнинг Гуманитар масалаларни мувофиқлаштириш бошқармаси бош котибининг ёрдамчиси Урсула Мюллер.

Чоршанба (18 сентябрь) куни БМТ бош котиби Антонио Гутерриш ва Халқаро қизил хоч қўмитаси раҳбари Питер Мауер Идлибдаги ҳаво ҳужумлари ва отишмаларнинг тинч аҳолига зарарли таъсирини таъкидлаб, уларнинг тўхтатилишини талаб қилдилар.

Сурияни ҳимоя қилиш

2011 йилда Сурия можароси юзага келганидан бери, Россия пайшанба кунги овоз бериш жараёнида БМТ резолюциясига қарши 13-марта вето қўллади.

Июнь ойида ўз иттифоқчиси бўлмиш Сурияни халқаро терговдан ҳимоя қилишга уринар экан, Россия БМТ хавфсизлик кенгашининг Идлибдаги Сурия ҳарбий кампаниясини танқид қилувчи баёнотини ҳам блоклаган.

Май ойида Россия Идлибдаги кенг кўламли ҳужумлар туфайли гуманитар ҳалокат келиб чиқиши ҳақида огоҳлантирувчи алоҳида баёнотга ҳам қарши бўлганди.

AFPга кўра, ҳужжат матнида «Сурия шимоли-ғарбида кенг кўламли ҳарбий операция олиб борилган тақдирда гуманитар ҳалокат юзага келиши мумкинлиги» ҳақида огоҳлантирилган.

Москва таклиф этилган баёнотни «тўлалигича» рад этди, деган эди ўшанда Россия элчиси ўринбосари Дмитрий Полянский.

16 май куни Москва Хавфсизлик кенгашига резолюция лойиҳасини тақдим этиб, унда БМТнинг кимёвий қуроллар бўйича назоратчи органини «сиёсийлашганликда» айблаган эди. Ушбу воқеа анчадан бери кимёвий қурол ишлатишда айбланиб келадиган Сурия режимининг кимёвий ҳужумларини тергов қилиш бошланишига яқин юз берган.

Кимёвий қуроллар бўйича назоратчи орган – Кимёвий қуролларни тақиқлаш ташкилоти (КҚТТ) кимёвий қуролдан фойдаланганларни аниқлайдиган механизмни ишлаб чиқишга рози бўлган, бу эса Россия ва Суриянинг қатъий қаршилигига учраган эди.

Сизга мақола ёқдими?
20
Йўқ
Фикрлар 20
Сиёсат
Captcha
| 2019-09-30

Россия ваҳшийликларини қачон тўхтатади?

Жавоб бериш
| 2019-09-30

Ҳамма ОАВга ишониб бўладими ўзи? Хоҳлаганини ёзиб ётибди, маъсулият ноль.

Жавоб бериш
| 2019-09-26

Россиянинг Суриядаги жиноятлари тергов қилиниши лозим

Жавоб бериш
| 2019-09-26

Кремль Суриядаги тинч аҳолини ўлдиришга ҳомийлик қилмоқда

Жавоб бериш
| 2019-09-26

Россия – сахий қалб (Россиядаги машҳур эски рекламадан)

Жавоб бериш
| 2019-09-25

Ҳеч нима ўзгармаган. Қонга ташна Россия қўллаб-қувватловчи Асад сурияликларни қатлиом қилмоқда. Худди СССР шармандаларча думини қисиб Афғонистондан чиқиб кетгани каби, улар ҳам мағлуб бўдишади.

Жавоб бериш
| 2019-09-24

Россия ҳақиқатан ҳам террорчи

Жавоб бериш
| 2019-09-24

Оқ дубулғалилар одам ўлдиришяпти ва АҚШ рухсати билан уларнинг органларини йиғишяпти

Жавоб бериш
| 2019-09-23

Россия Сурия фуқароларини қатлиом қилмоқда. Ваҳшийларнинг қўлидан фақат шундай иш келади.

Жавоб бериш
| 2019-09-23

Менимча, Россия шиалар тарафида ва суннийлар сонини камайтирмоқда.

Жавоб бериш
| 2019-09-24

Жуда тор ўйлайсиз. Икки йил аввал суриялик сунний аёл билан гаплашган эдим ва у менга Асадни буткул қўллаб-қувватлашини айтган. Уларга ким сунний, шиа ёки насроний эканлиги барибир. Уларга Суриялик эканлиги муҳим.

Жавоб бериш
| 2019-09-27

Транслит билан ёзадиганларни ҳатто сурияликлар ҳам ёмон кўришади.

Жавоб бериш
| 2019-09-23

Ҳаммаси ёлғон ва провокация. «Оқ дубулғалилар» АҚШ ва бошқа Ғарб мамлакатлари томонидан саҳналаштирилган спектакль актёрларидир.

Жавоб бериш
| 2019-09-23

Мақола кимнинг нуқтаи назари билан ёзилган!

Жавоб бериш
| 2019-09-28

Россиянинг эмас, ҳақиқат нуқтайи назаридан

Жавоб бериш
| 2019-09-21

Чунки Россия Суриянинг тинч аҳолисини ўлдирмоқда

Жавоб бериш
| 2019-09-21

Ҳайвонсан ҳамманг. Тўғри қиляпти (Россия).

Жавоб бериш
| 2019-09-22

Америка Россиянинг адабини бериб тўғри қиляпти.
Қрим эса Украинага тегишли.

Жавоб бериш
| 2019-09-23

Украинани АҚШ билан бирга қўшиб адабини беришяпти

Жавоб бериш
| 2019-09-23

Ҳозирча Россиянинг абжағи чиқяпти

Жавоб бериш