ОСТОНА/ВАШИНГТОН – Қозоғистон президенти Нурсултон Назарбоев 16-18 январ кунлари АҚШга 3 кунлик расмий ташриф билан боришни мўлжалламоқда, деб хабар беради президент матбуот хизмати.
Оқ уй матбуот котибининг баёнотига кўра, АҚШ президенти Доналд Трамп билан учрашув 16 январга белгиланган.
Томонлар икки мамлакат ўртасидаги стратегик шериклик, минтақавий хавфсизлик ва иқтисодий ҳамкорлик масалаларини муҳокама қиладилар, дейилади хабарда.
Президентлар, шунингдек, Қозоғистоннинг БМТ Хавфсизлик кенгашидаги раҳбарлиги давомида унинг халқаро кўламдаги, хусусан Афғонистондаги муаммоларни ҳал этишдаги етакчилигини муҳокама қилишни режалаштирганлар.
Назарбоев уч кунлик сафари давомида, шунингдек, АҚШнинг бошқа расмий шахслари билан ҳам учрашиши ва БМТ Хавфсизлик кенгашининг мажлисида иштирок этиши кутилмоқда.
