Карвонсарой

Тожикистон ва Ўзбекистон ўртасидаги чегара пункти қайта очилди

Карвонсарой

ДУШАНБЕ/ТОШКЕНТ – Ўзбекистон ва Тожикистон яна бир чегара пунктини очдилар, деб хабар берди AsiaPlus.tj душанба, 12 февраль куни.

Ўзбекистон оммавий ахборот воситалари хабарига кўра, Анархон-Патар назорат-ўтказиш пункти шанба, 10 февраль куни ўз ишини қайта тиклаган. Эндиликда икки мамлакат ўртасида жами учта чегара пункти фаолият кўрсатмоқда.

Ўзбекистон ва Тожикистон ўртасидаги чегара пунктларининг умумий сони 16 тани ташкил этади. Ўзбекистон 1990 йилларда, икки ўртадаги муносабатлар совуқлашган даврда чегара пунктларини бир тарафлама ёпиб қўйганди.

Ўзбекистон бош вазири Абдулла Ариповнинг 10 январь куни Тожикистонга ташрифи чоғида Душанбе ва Тошкент барча чегара пунктларини очишга келишиб олдилар.

Ташриф чоғида томонлар визасиз режим ва бошқа яқинлашув муносабатларини ўрнатишга келишганлар. Янги қоидалар ўзбек ва тожик фуқароларига қўшни мамлакат ҳудудида 30 кун давомида визасиз юришга имкон беради.

Шунингдек, Ўзбекистон ва Тожикистон ўртасида янги чегара пунктларини барпо этиш ҳамда автобус қатновларини йўлга қўйишга оид келишувларга эришилган.

Арипов ва унинг тожикистонлик ҳамкасби Қоҳир Расулзода чегара масалаларига оид янги ҳужжатлар тўпламини имзолашга келишиб олганлар.

Сизга мақола ёқдими?

Фикрлар 2

Сиёсат * Мажбурий 1500 / 1500

Ўзбекистонда яшайдиган, фуқаролиги бўлмаган жисмоний шахслар ҳам Тожикистонга визасиз бора оладими?

Жавоб бериш

Жудаям хурсандман

Жавоб бериш