ОСТОНА – Пайшанба, 8 март куни Қозоғистондаги марказий концерт залида Халқаро хотин-қизлар кунига бағишландан концерт ўтказилди, деб хабар беради Казинформ.
Халқаро хотин-қизлар байрами 8 март куни бутун дунё бўйлаб нишонланади.
Концерт дастурида турли қозоғистонлик санъаткорлар иштирок этдилар.
Тадбирда қатнашган президент Нурсултон Назарбоев йиғилганлар олдида чиқиш қиларкан, мамлакат келажаги учун билимдон, янги авлодни шакллантиришда аёлларнинг ўрни алоҳида эканини таъкидлади.
«Муҳтарама аёллар, 8 март – аёлларга хос садоқат, муҳаббат, оилавий қадриятларга эҳтиром ва комил аёл нафосатига фидокорона интилишни шарафловчи байрам. Зеро, буларнинг бари заиф дунёимизни ҳалокатдан сақлайди», деди Назарбоев.
