БИШКЕК – Қозоғистон ва Қирғизистон Олмаота ва Иссиқкўл вилоятларини боғловчи мунтазам авиарейсларни йўлга қўйди. Бу ҳақда Казинформ ахборот агентлиги 3 июль, сешанба куни Бишкек яқинидаги Манас халқаро аэропорти матбуот хизматига таяниб хабар берди.
Илк 51 нафар сайёҳ душанба, 2 июль куни Томчи қишлоғидаги Иссиқкўл халқаро аэропортига етиб келган.
Рейслар «Qazaq Air» авиакомпанияси томонидан ҳафтасига 2 марта – душанба ва жума кунлари амалга оширилади. Иссиқкўл Қирғизистондаги энг оммабоп туристик маскан ҳисобланади.