БИШКЕК – Қирғизистон 2018 йил охиригача сайёҳларни ҳимоя қиладиган полиция бўлинмаларини ташкил этмоқчи. Бу ҳақда пайшанба, 16 август куни Ички ишлар вазирлигига асосланиб, Озод Европа/Озодлик радиоси (RFE/RL) хабар берди.
Бу каби полиция кучлари Тожикистон ва Ўзбекистонда аллақачон ташкил этилган.
Данғара туманида «Ислом давлати» содир этгани иддао қилинган 4 нафар хорижий сайёҳнинг ўлдирилиши билан боғлиқ 29 июль кунги воқеадан кўп ўтмай, Тожикистонда туризм полицияси ташкил этилган эди.
Ўзбекистонда эса сайёҳлик полицияси ўтган йилнинг декабрь ойидан фаолият юрита бошлаган.