ОСТОНА – Европада Хавфсизлик ва Ҳамкорлик ташкилотининг Остонадаги идораси ва Қозоғистон Давлат хизмати ва коррупсияга қарши кураш агентлиги (ACSA) коррупсиявий хавфларни таҳлил қилиш ва бошқаришга бағишланган семинар ўтказишни режалаштирмоқда, деб хабар беради ЕХҲТ расмий сайти.
11-14 сентябрь кунлари Остонада бўлиб ўтадиган тадбирда агентликнинг 40 нафар расмийси иштирок этиши кутилмоқда.
4 кунлик семинар-тренинг давомида иштирокчилар «назарий ва амалий жиҳатларни ёритиш орқали коррупциявий хавфларни таҳлил қилиш ва бошқаришнинг замонавий усуллари» билан танишадилар.
Халқаро йўриқчилар коррупцияга қарши курашнинг замонавий усулларини ўргатиб, амалий машғулотлар ўтказадилар.
«Мазкур тренинг идоранинг Қозоғистонда коррупсияга қарши кураш чоралари билан самарали бошқарувга кўмаклашишга оид кўп йиллик саъй-ҳаракатлари маҳсулидир», дейилади хабарда.
