ТУРКИСТОН, Қозоғистон – АҚШлик кўнгиллилар инглиз тилини ўргатиш дастури доирасида Қозоғистонга ташриф буюрди, деб хабар қилди Казинформ сешанба, 2 октябрь куни.
Қозоғистон ҳукуматининг «English for Zhastar» (Ёшлар учун инглиз тили) дастурига асосан, АҚШ ва Британиядан келган кўнгилли мутахассислар қишлоқ мактабларида инглиз тилидан сабоқ берадилар.
Инглиз тили муаллимларидан икки нафари – Марко Перез ва Кетрин Эллиот Туркистон вилоятига етиб келганлар. Улар Тасариқ ва Таукент қишлоқлари болаларига 2 ой давомида инглиз тилини ўргатадилар.
