СЎҒД, Тожикистон – Европада хавфсизлик ва ҳамкорлик ташкилоти (ЕХҲТ) 24 июндан 18 июлга қадар Сўғд ва Хатлон вилоятларининг 12 туманида Тожикистон ёшлари орасида экстремизм ва радикализмга қарши курашга бағишланган ўқув семинарларини ўтказди.
Ўқув курсларида маҳаллий ҳокимият органларининг 320 дан ортиқ вакили, ўқитувчилар, мигрантларнинг ота-оналари, шунингдек, хорижга кетиб жангарилар сафига қўшилган тожикистонликларнинг қариндошлари иштирок этди, деб хабар берган ЕХҲТ 18 июль куни ўз сайтида.