![O‘zbekiston Ichki Ishlar Vazirligi akademiyasi kursantlari jinoyatchilarni qo‘lga olishni mashq qilmoqdalar. Toshkent, 2015-yil, dekabr. [File]](/cnmi_ca/images/2017/12/12/10700-uz_security-739_416.webp)
TOSHKENT – O‘zbekiston huquq-tartibot idoralari ta'qiqlangan "Huzbut-Tahrir" ekstremistik tashkilotining bo‘linmasini tuzishda gumon qilib, to‘rt kishi, jumladan ikki nafar ayolni qo‘lga oldi, deb xabar berdi 1news.uz seshanba, 12-dekabr kuni.
Qo‘lga olinganlarning uch nafari qamoqxonada saqlanmoqda, to‘rtinchisi – uch nafar farzandning yolg‘iz onasi bo‘lgan ayol esa uy qamog‘ida, deb ma‘lum qildi militsiya rasmiysi dushanba, 11-dekabr kuni RIA-Novosti agentligiga.
Gumondorlar yashagan uyni tintuv qilish chog‘ida ta'qiqlangan ekstremistik adabiyotlar, videolar hamda “Hizbut-Tahrir” g‘oyalarini ifodalovchi materiallar yozilgan xotira qurilmalari musodara qilingan.
Gumondorlarga “ekstremistik, ayirmachilik, aqidaparastlik yoki boshqa taqiqlangan tashkilotlarni tuzish, ularga a‘zo bo‘lish yoki rahbarlik qilish” ayblovi qo‘yilgan.
Ayblari isbotlangan taqdirda ularga 5 yildan 15 yilgacha qamoq jazosi berilishi mumkin.
2016-yilning noyabrida jinoiy ishlar bo‘yicha Farg‘ona viloyat sudi “Hizbut- Tahrir”ning 15 nafar a‘zosini 7 yildan 10 yilgacha turli muddatlarga qamoq jazosiga hukm qilgandi. Ayblanuvchilar Suriya va Iroqqa borib, terrorchi guruhlar safida jangovar tayyorgarlikdan o‘tishni rejalashtirganlar.
