BISHKEK – AKIpress xabariga ko‘ra, Qirg‘iziston prezidenti Sooronbay Jeenbekov 2018-yilni mamlakat mintaqalarini rivojlantirish yili deb e’lon qildi.
Jeenbekov bu haqda chorshanba (10-yanvar) kuni Norin viloyatining Jumg‘al tumani aholisi bilan uchrashuv chog‘ida ma’lum qilgan.
Bundan avval, seshanba (9-yanvar) kuni prezident mintaqalarni rivojlantirishdagi tizimli o‘zgarishlarga oid qarorni imzolagandi, deb xabar beradi davlat rahbarining matbuot xizmati.
Asosiy maqsad – ish o‘rinlari yaratish va migratsiyani kamaytirish, dedi u.
Jeenbekovning so‘zlariga ko‘ra, yo‘llar va boshqa transport infratuzilmalarini yaxshilash, kichik va o‘rta biznesni qo‘llab-quvvatlash va investitsiyalarni jalb qilish ko‘zda tutilmoqda.