DUSHANBE – Tojikiston va O‘zbekiston ikki mamlakat o‘rtasida vizasiz bordi-keldi tartibini joriy qilishga kelishib oldi, deb xabar berdi AKIpress payshanba (11-yanvar) kuni.
Bir oygacha bo‘lgan safarlar uchun amal qiladigan kelishuv O‘zbekiston bosh vaziri Abdulla Aripovning Dushanbega chorshanba (10-yanvar) kuni boshlangan ikki kunlik tashrifi davomida imzolandi.
Tomonlar, shuningdek, chegara muammolarini ham hal etib, gidroelektrostansiya joylashgan yer hududini birgalikda boshqarishga kelishib olgan.