DUSHANBE – Dushanbedagi AQSH elchixonasi Tojikiston hukumatiga eksport nazoratiga ko‘maklashish, ommaviy qirg‘in qurollari kontrabandasining oldini olish va yadro quroli tarqalishiga qarshi kurash bo‘yicha hududiy o‘quv markazini taqdim etdi, deyiladi elchixonaning chorshanba, 20-mart kungi bayonotida.
Dushanbe shahrida joylashgan mazkur markaz qurilishi uchun 370 ming AQSH dollariga (3,2 mln. somoniy) teng mablag‘ sarf qilingan. U to‘rtta ochiq o‘quv maydoni, mashg‘ulotlar uchun mo‘ljallangan nazorat-o‘tkazish punkti va anjumanlar zalidan iborat.
Markaz Tojikiston yadroviy radiatsiya va xavfsizlik agentligiga ko‘maklashishi nazarda tutilgan.
Markazning ochilishida AQSH va Tojikiston rasmiylari ishtirok etdi.