Karvonsaroy

Qirg‘izistonda narkotiklar savdosi bilan shug‘ullanuvchi xalqaro tarmoq a’zolari hibsga olindi

Karvonsaroy

BISHKEK – Qirg‘iziston huquqni muhofaza qilish organlari Yevropadan Markaziy Osiyoga narkotik moddalar olib o‘tishda gumon qilinayotgan xalqaro jinoiy guruh a’zolarini qo‘lga oldi. Bu haqda 24.kg nashri dushanba, 2-aprel kuni Qirg‘iziston davlat xavfsizlik qo‘mitasi (GKNB) matbuot xizmatiga tayanib xabar berdi.

Narkofurushlar Chuy viloyati va Bishkek shahrida katta miqdorda alfa-PVP sintetik giyohvandlik moddasini sotishga uringan paytda GNKB xodimlari tomonidan qo‘lga olingan.

Musodara qilingan Alfa-PVP narkotik moddasi hajmi haqida ma’lumot berilmagan. Ayni paytda barcha gumondorlar GNKB hisbxonasida saqlanmoqda, deb xabar beradi qo‘mita.

Alpha-PVP – kuchli sintetik psixotrop modda bo‘lib, qo‘lbola usulda tayyorlanadigan narkotik hisoblanadi.

Sizga maqola yoqdimi?

Fikrlar 0

Siyosat * Majburiy 1500 / 1500