OSTONA – Xalq birdamligi kuniga bag‘ishlangan konsertda ishtirok etish uchun 1-mart, seshanba kuni Qozog‘istonning turli burchaklaridan san’atkorlar, raqs ansambllari va xonandalar Ostonaga tashrif buyurdilar, deb xabar berdi davlat rahbari Nursulton Nazarboyevning matbuot xizmati.
Bayram tadbirlarida mazkur sana munosabati bilan Qozog‘iston xalqiga tabrik yo‘llagan prezident Nazarboyev ham ishtirok etgan.
“Xalq birdamligi kuni vatanparvarligimiz, vatanga muhabbat va sadoqatimizning yorqin ramzidir”, dedi u tabrik nutqida.
Nazarboyev xalqning “birdamlik va hamjihatlikka” e’tibor qaratishini mamlakatning barqaror taraqqiyoti omili deb atadi.
