Qozog‘iston temiryo‘l orqali Rossiya benzini importini taqiqladi

Karvonsaroy

2018-05-31

OSTONA – Qozog‘iston energetika vazirligi temiryo‘l orqali Rossiya benzini importi 3 oyga to‘xtatilishi haqida e’lon qildi, deb xabar beradi 24.kg nashri payshanba, 31-may kuni.

Vazirlik mazkur chora haqida Yevroosiyo Iqtisodiy Ittifoqini (YOII) xabardor qilganini aytgan.

Qirg‘iziston neft savdogarlari uyushmasi ma’lumotlariga ko‘ra, ushbu vaqtinchalik chora Qozog‘istondagi neftni qayta ishlash zavodlarida olib borilgan modernizatsiya natijasida neft va moylash materiallarining keragidan ortiq yig‘ilib qolgani sababli qabul qilingan.

Ushbu taqiq Qirg‘izistonga ta’sir etmaydi, deb xabar bergan uyushma.