OSTONA – Qozog‘istonda ro‘yxatga olish haqidagi qonun talablariga mos kelmagan 88 ta xorijiy telekanalning litsenziyasi bekor qilindi. Bu haqda chorshanba, 8-avgust kuni Axborot va kommunikatsiyalar vazirligi xabar bergan.
Ushbu kanallar 9-yanvar kuni qonun kuchga kirganidan so‘ng 6 oy ichida yuridik shaxs sifatida ro‘yxatdan o‘ta olishmagan, deyiladi vazirlik xabarida.
Ko‘plab rus kanallari, jumladan, Russia Today va NTV Plus 3D ham taqiqlangan.
Vazirlik xabariga ko‘ra, 219 xorijiy telekanal qonun talablarini bajarib, Qozog‘istonda faoliyat yuritishga ruxsat olgan.
