OSTONA – Qozogʻiston Qirgʻizistonga benzin yetkazib berishni yoʻlga qoʻymoqchi. Bu haqda Qozogʻiston energetika vaziri Kanat Bozumbayev seshanba, 23-oktabr kuni oʻtgan hukumat majlisida maʼlum qildi, deb xabar beradi AKIpress.
Hozirda Qirgʻiziston rasmiylariga barcha kerakli hujjatlar yuborilgan. Eksport borasidagi yakuniy qaror ikki-uch hafta ichida qabul qilininadi, dedi u.
“Biz Qirgʻizistonga taxminan 10 ming tonnalik partiyalar bilan bozor narxida benzin yetkazib beramiz”, dedi vazir.
