БИШКЕК – 24.kg нашрининг сешанба, 9 январ кунги хабарига кўра, Бишкек шаҳар суди 25 яшар Мирланбек Турдиевни Сурияда жангарилар сафида урушганликда айбдор деб топди.
Суд Қирғизистон пойтахтидаги қуйи инстанция – Первомайский туман судининг Турдиевга 8 йиллик қамоқ жазоси тайинлаш бўйича аввалги қарорини ўз кучида қолдирди.
Қирғизистон давлат миллий хавфсизлик қўмитаси маълумотларига кўра, Турдиев «Ислом давлати»нинг «Тавҳид ва жиҳод» гуруҳи аъзоси бўлган ва Абу Валид лақаби билан ҳам танилган.
Россиядан Сурияга ... уйдаги қамоққа қайтиш
Терговчиларга кўра, Турдиев 2011-2014 йилларда, Россиянинг Владивосток шаҳрида ишлаётган пайтида жангариликка ёлловчилар таъсирига тушган.
У «Тавҳид ва жиҳод» жамоатига 2015 йилнинг сентябрь ойида қўшилган эди. Бир ой ўтиб, 15 октябрда Истанбулга боради. У ердан эса Суриянинг Ҳалаб шаҳри яқинидаги жангарилар тайёрлов масканига юборилади.
Турли масканларда махсус жанговар тайёргарликдан ўтиш билан бирга, Турдиев қўлбола портловчи мосламаларни ясашни ҳам ўрганган. У портловчи мосламаларни жамоат жойларида масофадан туриб ҳаракатга келтириш бўйича ҳам кўникмаларни олган.
Турдиев Ҳалаб ва Идлибда 2015 йилнинг ноябридан 2017 йилнинг февралигача Сурия, Ироқ ва АҚШ аскарлари, шунингдек курд ва бошқа жангариларга қарши жанг қилган.
Ўтган йилнинг март ойида унга Владивостокдаги ҳарбий кемага ҳужум қилиш топшириғи берилади.
Бироқ, Турдиев Россия томон йўлда, Украинада қўлга олинди. Уни Қирғизистонга қайтаришда бир неча давлатлар расмийлари ҳамкорлик қилишган.
Зўр! Фотосурат Идлибда ўлдирилган ўзбек томонидан бошқарилган Ал-Қоида гуруҳи тасвирга туширган видеодан олинган, мақола эса ИД ҳақида! Тасвирда эса ЎЗБEК!
Жавоб беришФикрлар 1