https://central.asia-news.com/uz-Cyrl/articles/cnmi_ca/features/2018/08/30/feature-01
| Жамият

Остонадаги «Буюк дашт мамлакати» фестивалида қозоқ маданияти намойиш этилди

Айдар Ашимов

image

Фестивал сайёҳлар учун барпо этилган этник овулда бўлиб ўтди. Бу ердаги барча нарса кўчманчи ҳаёт руҳияти билан ҳамоҳанг. (Айдар Ашимов)

image

Болалар миллий либослар мусобақасида беллашмоқдалар. Ҳеч бир иштирокчи совғасиз қолмади. (Айдар Ашимов)

image

Аёл қўлда ясалган тақинчоқлар ва уй-рўзғор буюмларини намойиш қилмоқда. (Айдар Ашимов)

image

Ёшлар камондан ўқ отиш мусобақасида иштирок этмоқдалар. (Айдар Ашимов)

image

Кўргазма давомида меҳмонлар қутичалар, сумкалар, туморлар, ошхона анжомлари, тақинчоқлар ва бошқа шу каби буюмларни сотиб олиш имкониятига эга бўлдилар. (Айдар Ашимов)

image

Қозоғистон музейлари ўз экспонатларини ўтовларда намойиш этдилар. (Айдар Ашимов)

image

Меҳмонлар бия сутидан тайёрланган миллий ичимлик – қимиздан баҳраманд бўлдилар. Шу билан бирга, улар сузмадан қилинган қурутларни ҳам татиб кўриш имконига эга бўлишди. (Айдар Ашимов)

image

Театрлаштирилган томоша иштирокчилари Қозоғстонда тинчлик бўлишини сўраб дуо қилмоқдалар. (Айдар Ашимов)

image

Ёш йигитлар оғир қилични текис ушлаб туриш мусобақасида куч синашмоқдалар. Профессионал спортчи Сергей Цирулников (ўнгда) иштирокчиларни қувноқ ҳаёт кечириб, спорт билан шуғулланишга чақирмоқда. (Айдар Ашимов)

image

Полшалик сайёҳ (чапда) қозоқ тилмочи билан бирга арғимчоқ учмоқда. Қозоғистон ва унинг маданий мероси билан яқиндан танишиш мақсадида фестивалга турли мамлакатлардан сайёҳлар келишган. (Айдар Ашимов)

ОСТОНА – 25-26 август кунлари Остонада ўтказилган фестивал қозоқ маданиятининг чинакам намойишига айланди.

«Қозоғистон – буюк дашт мамлакати» фестивалидан кўзланган мақсад, қозоқ маданиятининг замонавий ҳаётга интеграциясини кўрсатиш, ёшларнинг тарихий қадриятларга қизиқишини ошириш ва халқ ҳунармандларининг маҳсулотларини намойиш этишдир», деб хабар беради шаҳар ҳокимлиги.

Тадбир маданият ва спорт вазирлиги томонидан ташкил этилган.

Томошабинлар «Тарих карвони» театрлаштирилган спектакли ва анъанавий спорт турлари мусобақаларини томоша қилдилар. Улар мазали таомлардан тотиб кўриш, болалар ва катталар учун мўлжалланган миллий либослар танловида қатнашиш имкониятига эга бўлдилар. Замонавий матолардан оқилона ва ижодий ёндашув билан тикилган кийимлар ҳакамлар томонидан баҳоланди.

image

Болалар Остонада 25-26 август кунлари бўлиб ўтган «Қозоғистон – буюк дашт мамлакати» фестивалида миллий либослар мусобақасида қатнашмоқдалар. Ҳеч бир иштирокчи совғасиз қолмади. (Айдар Ашимов)

Биз фестивалга бутун оиламиз билан Қарағандадан келдик», дейди 23 яшар Асем Сатилганова Карвонсарой билан суҳбатда. «Бу ерда катталар учун ҳам, болалар учун ҳам бирдек қизиқарли. Бу ерда севимли таомларимизни тановул қилиш, арғимчоқ учиш ва танловларда иштирок этиш мумкин.»

У фестивалда Қозоғистонни кўриш ва унинг маданий мероси билан яқиндан танишиш мақсадида бошқа мамлакатлардан келган меҳмонларни кўришдан мамнун эканлигини айтди.

Сизга мақола ёқдими?
0
Йўқ
Фикрлар 0
Сиёсат
Captcha