Карвонсарой
Оммавий ахборот воситалари

Дезинформация тарқатгани учун RT ва «Спутник»ка халқаро ОАВ анжуманида қатнашишга рухсат берилмади

Карвонсарой ва AFP

«Спутник» янгиликлар агентлигини ўз ичига олган давлатга қарашли «Россия Сегодня» ОАВ гуруҳининг Москвадаги бош қароргоҳи, 2017 йил, 12 ноябрда олинган сурат. (Кирилл Кудрявцев/AFP)

«Спутник» янгиликлар агентлигини ўз ичига олган давлатга қарашли «Россия Сегодня» ОАВ гуруҳининг Москвадаги бош қароргоҳи, 2017 йил, 12 ноябрда олинган сурат. (Кирилл Кудрявцев/AFP)

ЛОНДОН – Россиянинг RT ва «Спутник» янгилик агентликлари «дезинформация тарқатишдаги актив роли» сабабли Лондонда бўлиб ўтажак ОАВ эркинлигига бағишланган глобал анжуманда қатнаша олмайди, деб хабар берди Британия ташқи ишлар вазирлиги душанба (8 июль) куни.

Чоршанба-пайшанба (10-11 июль) кунлари Канада билан биргаликда ўтказилажак анжуманда 60 вазир ва 1000 нафар журналист иштирок этиши кутилмоқда.

«Дезинформация тарқатишдаги фаол иштироки сабабли, биз RT ёки Спутник мухбирларини аккредитациядан ўтказмадик», деди Ташқи ишлар вазирлигининг матбуот котиби.

«Барча аккредитация сўровларини қондириш имконсиз бўлса-да, анжуманда бутун дунёдан, жумладан Россиядан келган журналистлар ҳам иштирок этмоқда.»

Давлатга қарашли RT телеканалининг 2018 йил 24 май куни Санкт-Петербургда ўтган Халқаро иқтисодий форумдаги стенди. (Кирилл Кудрявцев/AFP)

Давлатга қарашли RT телеканалининг 2018 йил 24 май куни Санкт-Петербургда ўтган Халқаро иқтисодий форумдаги стенди. (Кирилл Кудрявцев/AFP)

Россиянинг «Спутник» нашри ташвиқот платформасидир, дейди интернет фойдаланувчилари ва таҳлилчилар. (File)

Россиянинг «Спутник» нашри ташвиқот платформасидир, дейди интернет фойдаланувчилари ва таҳлилчилар. (File)

Аввалроқ Россия элчихонаси RTга оид қарорни қоралаб чиққан ва уни «сиёсий сабаблар асосидаги дискриминация» сифатида баҳолаб, ташқи ишлар вазирлигига шикоят йўллаганини маълум қилганди.

RTнинг 5 июль кунги баёнотига кўра, анжуманда унинг журналистлари учун жой йўқлигини айтишган.

Ташқи ишлар вазирлигининг изоҳидан сўнг, RT душанба кунги баёнотида шундай деди: «Матбуот эркинлигини ҳимоя қила туриб, ноқулай овозларни тақиқлаш ва муқобил ОАВга туҳмат қилиш – иккиюзламачиликнинг ўзига хос кўринишидир.»

Меҳмонларнинг якуний рўйхати эълон қилинмаган бўлса-да, расмийларга кўра, конференцияга фақат Шимолий Корея, Сурия ва Венесуэла вакилларигина таклиф этилмаган.

Декабрь ойида Британиядаги ОАВ назоратчиси – Ofcom Англиянинг Солсбери шаҳрида асаб тизимни фалажловчи газ ҳужуми билан боғлиқ ҳодиса ортидан эфирга узатилган бир нечта дастурда RT томонидан холислик қоидалари бузилганини қайд этган эди.

Москва 2018 йил март ойида собиқ россиялик жосус Сергей Скрипаль ва унинг қизига қарши содир этилган ҳужумни маъқуллагани борасида Лондоннинг даъволарини рад этган.

Сохта янгиликларга қарши кураш

Лондон анжумани ташкилотчиларига кўра, тадбир ОАВ эркинлиги масалалари, жумладан, сохта хабарларга қарши курашда халқаро миқёсдаги муҳокама ва ҳамкорликни кучайтиришга хизмат қилади.

Анжуман олдидан Буюк Британия Шарқий Европада дезинформацияга қарши кураш ва ғарбий Болқонда мустақил ОАВни қўллаб-қувватлаш учун 18 млн. фунт стерлинг (22,4 млн. доллар) ажратилиши ҳақида эълон қилган.

Бу беш йил давомида Шарқий Европа ва Марказий Осиёга ажратиладиган 100 млн. фунт стерлинг (125 млн. доллар) ҳажмидаги маблағнинг бир қисмидир.

Спутник ва RT каби Россия оммавий ахборот воситаларининг Марказий Осиё ва ундан ташқарида сохта хабарлар тарқатиш ва дезинформация билан шуғулланиб келгани қайд этилган.

RAND корпорациясининг 2016 йилги тадқиқотига кўра, RT ва Спутник нашрлари – «гарчи уларнинг формати анъанавий янгиликлар дастури кўринишида бўлса-да, ҳақиқий журналистикадан кўра, кўпроқ ахборот-кўнгилочар ва дезинфомацион фаолият қоришмасига ўхшайди

Россия ОАВ шунчаликка бориб етдики, ҳатто Кремль учун мақбул манзарани яратиш учун актёрлар билан сохта интервьюлар ўтказди.

2018 йил апрелда Кремль қўлловидаги Сурия режимининг айбини яшириш учун, Сурияда кимёвий қурол қўллаган ҳолда амалга оширилган ҳужум борасида ёлғон маълумотлар тарқатиши Россиянинг ўз ташвиқотини ёйишга безбетларча уринишларидан бири бўлди.

Афғонистон расмийлари ва ОАВ шарҳловчиларининг айтишича, Россия оммавий ахборот воситалари ёлғон ва воқеликка зид хабарларни тарқатиб, мамлакатда ваҳима келтириб чиқаришга уринади.

Россия «ахборот» агентликларининг беқарорлиги

Марказий Осиё аҳолиси Кремлнинг дезинформацион кампаниясини пайқаган ҳамда Спутник ва RT каби Россия оммавий ахборот воситаларига ишонмай қўйган.

2018 йил апрелда бутун дунёда, шу жумладан, Марказий Осиёда ҳам жамоатчилик фикрига таъсир қилишга уринган Россиянинг «Троллар фабрикаси»га тегишли Facebook ва Instagram аккаунтларининг Facebook томонидан ўчирилиши шусиз ҳам оз қолган ишончга путур етказган.

Январь ойида Facebook Россияда очилган ҳамда Қозоғистон, Қирғизистон, Ўзбекистон ва Тожикистонда зарарли таъсир фаолияти билан шуғулланган 500 дан ортиқ саҳифа, гуруҳ ва аккаунтларни ўчириб ташлаган эди.

Шу йилнинг март ойида Facebook ва Instagram тармоғида мувофиқлаштирилган зарарли таъсир чоралари билан шуғулланган яна 2600 та саҳифа, гуруҳ ва аккаунтлар ҳам ўчирилган.

Facebook компаниясининг киберхавфсизлик сиёсати бўйича раҳбари Натаниэль Глейхерга кўра, ушбу Facebook саҳифалари, гуруҳ ва аккаунтларидан 2000 таси Россияга алоқадор бўлган.

Сизга мақола ёқдими?

Фикрлар 3

Сиёсат * Мажбурий 1500 / 1500

РТ ва Спутник СССРнинг империалистик сиёсатини давом эттирмоқда. Марказий Осиёдаги босмачилар ҳақида ёзилган мақолалар советча мақолалардан фарқ қилмайди. Бу мамлакатларнинг тарих дарсликларида босмачилик – большевиклар ва рус истибдодига қарши миллий озодлик ҳаракати деб ёзилганини билмайдилар, бунга ақллари етмайди. Шу тариқа ўзларини ҳам большевик қилиб кўрсатишяпти. Аҳмоқ одам ҳам бунақанги очиқдан-очиқ ёлғон гапирмайди. Шунинг учун ҳам ғарбда РТ ва Спутникни тақиқлаб, тўғри қилишади. Уларнинг ташвиқотини Геббельсники билан тенглаштириш мумкин.

Жавоб бериш

Ажойиб янгилик! Ниҳоят, қандайдир ўзгариш. Лекин, Кремлнинг Ўзбекистондаги vesti.uz, sputnik.uz, anhor.uz, gazeta.uz каби карнайлари қачон ёпилади? Ёки мамлакат раҳбарияти учун, эски даврларда бўлганидек, Москванинг буйруғи ҳолвадан ҳам ширинроқми? Ичингиздаги қулни кундан-кунга кўпроқ ҳайдаб чиқаришингиз керак.

Жавоб бериш

Сизнинг сайтингиз ва кўплаб ғарб ОАВ вакиллари ўзингизни мустақил равишда «нохолис ахборотга қарши курашувчи карнай», фақат ҳақиқатни гапирувчи ОАВ деб ҳисоблайсизларми? СИЗ ВА СИЗГА ЎХШАГАН «ЖУРНАЛИСТЛАР» - БУ КАСБГА ИСНОД КEЛТИРУВЧИЛАРДИР. СИЗ НАФАҚАТ БИЗНИНГ (МДҲ) МАМЛАКАТЛАРИМИЗ, БАЛКИ ЎЗ ДАВЛАТЛАРИНГИЗНИНГ ҲАҚИҚИЙ ДУШМАНЛАРИСИЗ.!!!!!!

Жавоб бериш