Таълим

Қирғизистон мактаблари пандемия шароитида ноодатий ўқув йилини бошладилар

Максат Осмоналиев

image

Биринчи синф ўқувчилари ва уларнинг ота-оналари мактаб директори ва ўқитувчиларининг табрик сўзларини чапак чалиб олқишламоқдалар. Чуй вилояти, Панфилов туманидаги Курпулдўқ қишлоғида жойлашган К. Ибраималиев номли мактаб, 1 сентябр. [Максат Осмоналиев]

image

Директорнинг тантанали маросимдаги нутқини тинглаётган биринчи синф ўқувчилари. Мактабни кўриш учун ўқувчилардан бирининг синглиси ҳам келган. Чуй вилояти, Панфилов туманидаги Курпулдўқ қишлоғида жойлашган К. Ибраималиев номидаги мактаб, 1 сентябр. [Максат Осмоналиев]

image

Биринчи синф ўқувчилари мактабга кириб келишмоқда. Ушбу қишлоқ мактабида бу йил 34 бола биринчи синфга қабул қилинди. Улар ҳар бири 17 ўқувчидан иборат иккита синфга бўлинади. Пандемияга қадар ҳар бир синфда 30 га яқин ўқувчи таҳсил олар эди. Чуй вилояти, Панфилов туманидаги Курпулдўқ қишлоғида жойлашган К. Ибраималиев номидаги мактаб, 1 сентябр. [Максат Осмоналиев]

image

Эндиликда мактабларда хавфсизлик чоралари кучайтирилган: кираверишда қўлни дезинфекцияловчи воситалар ва ҳарорат ўлчагичлар бор. Мактабга кириш олдидан ўқувчиларнинг ҳарорати текширилади. Иситмаси болалар мактабга киритилмайди, ота-оналаридан уларни шифокорга кўрсатиш сўралади. Чуй вилояти, Панфилов туманидаги Курпулдўқ қишлоғида жойлашган К. Ибраималиев номли мактаб, 1 сентябр. [Максат Осмоналиев]

image

Ўқувчилар уларга тўрт йил давомида муаллимлик қиладиган аёлга гуллар беришмоқда. Бешинчи синфдан уларга бошқа ўқитувчи таълим беради. Чуй вилояти, Панфилов туманидаги Курпулдўқ қишлоғида жойлашган К. Ибраималиев номли мактаб, 1 сентябр. [Максат Осмоналиев]

image

Ўқитувчи ва синфдошларига ўзини таништираётган ўқувчи. Чуй вилояти, Панфилов туманидаги Курпулдўқ қишлоғида жойлашган К. Ибраималиев номли мактаб, 1 сентябр. [Максат Осмоналиев]

image

Ўқитувчисини диққат билан тинглаётган ўқувчи қиз. Чуй вилояти, Панфилов туманидаги Курпулдўқ қишлоғида жойлашган К. Ибраималиев номли мактаб, 1 сентябр. [Максат Осмоналиев]

image

«1-Б» синфи ўқитувчиси Зарина Капарова илк дарсни Қирғизистон ҳақидаги кўргазмали материалларни намойиш этишдан бошлади. У нафақат дарс ўтиши, балки болаларни назорат қилиши, уларга пандемия билан боғлиқ хавфсизлик чораларини эслатиб туриши керак. Чуй вилояти, Панфилов туманидаги Курпулдўқ қишлоғида жойлашган К. Ибраималиев номли мактаб, 1 сентябр. [Максат Осмоналиев]

image

Мактаб парталарида ўтирган биринчи синф ўқувчилари. Қирғизистон таълим вазирлиги бу йил пандемия сабабли ўқувчиларни шахмат тартибида ўтқазишни таклиф қилган. Бундай тартиб болалар орасидаги масофани кенгайтиришга имкон беради. Чуй вилояти, Панфилов туманидаги Курпулдўқ қишлоғида жойлашган К. Ибраималиев номли мактаб, 1 сентябр. [Максат Осмоналиев]

image

Танаффус пайтида ўйнаётган биринчи синф ўқувчилари. Чуй вилояти, Панфилов туманидаги Курпулдўқ қишлоғида жойлашган К. Ибраималиев номли мактаб, 1 сентябр. [Максат Осмоналиев]

image

Биринчи синф ўқувчиси Ойима Суёрбекова мактаб ҳақидаги илк таассуротларини сўзлаб бериш учун бувисининг қучоғига отилмоқда. Бувиси неварасининг мактабда ўқий бошлаганидан хурсанд. У Таълим вазирлигининг биринчи синф ўқувчиларини уйда эмас, балки мактабда ўқитиш тўғрисидаги қароридан мамнун. «Бу босқичда билим олиш учун замин яратилади ва бунда болага ўқитувчиларгина яхши таълим бера оладилар», дейди у. Чуй вилояти, Панфилов туманидаги Курпулдўқ қишлоғида жойлашган К. Ибраималиев номли мактаб, 1 сентябр. [Максат Осмоналиев]

БИШКЕК – 1 сентябрдан бутун Қирғизистон бўйлаб янги ўқув йили бошланди.

Аммо бу сафар ўқув йилининг бошланиши муносабати билан ўтказиладиган анъанавий маросимга фақат биринчи синф ўқувчилари ва уларнинг ота-оналари келишди – бу йил фақат улар мактабга қатнаб ўқийдилар.

Қолган ўқувчиларга янги коронавирус тарқалишининг олдини олиш чоралари доирасида масофадан таълим берилади.

Бу йил 156430 нафар биринчи синф ўқувчиси илк бор партага ўтирди, деб хабар беради Таълим вазирлигининг матбуот хизмати.

image

1 сентябр куни Чуй вилояти, Панфилов туманидаги Курпулдўқ қишлоғида жойлашган К. Ибраималиев номидаги мактабнинг 1-синф ўқувчисига айланган Айназик Миктибекова бувиси олиб кетишини кутиб, скамейкада ўтирибди. [Максат Осмоналиев]

Таълим ва фан вазирлиги Соғлиқни сақлаш вазирлиги билан биргаликда мактабларга биринчи синфларга таълим беришда тегишли санитария қоидаларига риоя қилиш имкониятини берадиган тартибни ишлаб чиққан.

Мактабда биринчи синф ўқувчиларининг сони кўп бўлса, улар икки гуруҳга ажратилиб, ҳар бир гуруҳ ўқувчилари шахмат тартибида ўз синфхонасига жойлаштирилади.

Мактаблар барча барча санитария меъёрларига амал қиладилар, деди вазирлик.

Чоршанба (9 сентябрь) ҳолатига кўра, мамлакатда COVID-19га чалиниш билан боғлиқ 44613 та ҳолат, шу жумладан 1061 та ўлим қайд этилган, деб хабар беради Жонс Хопкинс университетининг глобал кузатув сайти.

Тасдиқланган COVID-19 ҳолатлари аввалги кунга нисбатан 87 тага кўпайган, деб маълум қилган 9 сентябрь куни Қирғизистон соғлиқни сақлаш вазири Айнура Ахматова 24.kg хабарига кўра.

Сизга мақола ёқдими?

Фикрлар 0
Сиёсат * Мажбурий 1500 та белги қолди (1500 max)