Карвонсарой
Сиёсат

Байден «диктатор» Путинни қоралар экан, дунёда демократия ва автократия ўртасида уруш кетаётгани ҳақида огоҳлантирди

Карвонсарой ва AFP

1 март куни Вашингтонда (Колумбия округи) вице-президент Камала Харрис (ўнгда) ва Вакиллар палатаси спикери Ненси Пелоси олқишлари остида АҚШ Конгрессига илк мурожаати чоғида жестлар билан сўзлаётган президент Жо Байден. [Саул Лоэб/Pool/AFP]

1 март куни Вашингтонда (Колумбия округи) вице-президент Камала Харрис (ўнгда) ва Вакиллар палатаси спикери Ненси Пелоси олқишлари остида АҚШ Конгрессига илк мурожаати чоғида жестлар билан сўзлаётган президент Жо Байден. [Саул Лоэб/Pool/AFP]

ВАШИНГТОН, КО – Сешанба (1 март) куни АҚШ президенти Жо Байден россиялик ҳамкасби Владимир Путинни қўшни Украинага бостириб киргани учун иқтисодий ва дипломатик изоляцияга дучор бўладиган «диктатор» деб атар экан, дунёда демократия ва автократия ўртасида «жанг» кечаётгани ҳақида огоҳлантирди.

У қўшма мажлисда Конгрессга илк бор мурожаат қилар экан, рус босқинчиларига қарши турган Украинанинг «қудрат деворини» мақтаб, Путинни шиддатли танқид остида қолдирди.

«Бу қадам хорижий мамлакатга бостириб кирган Россия диктатори учун дунё миқёсида жуда қимматга тушади», деб айтган Байден.

«Демократия ва автократия ўртасидаги урушда демократик давлатлар қўли баланд келмоқда, дунё тинчлик ва барқарорлик йўлини танламоқда.»

1 март куни Вашингтонда президент Жо Байденнинг АҚШ Конгрессига илк мурожаати чоғида АҚШнинг биринчи хоними Жилл Байден ўз меҳмони – Украинанинг Қўшма Штатлардаги элчиси Оксана Маркаровани олқишламоқда. [Эвелин Хокштейн/Pool/AFP]

1 март куни Вашингтонда президент Жо Байденнинг АҚШ Конгрессига илк мурожаати чоғида АҚШнинг биринчи хоними Жилл Байден ўз меҳмони – Украинанинг Қўшма Штатлардаги элчиси Оксана Маркаровани олқишламоқда. [Эвелин Хокштейн/Pool/AFP]

Қатъий ҳаракатларни амалга ошираётган Вашингтон етакчилигидаги халқаро ҳамжамият Россияга қарши шиддатли иқтисодий уруш бошлади, Россияни тиз чўктириш билан таҳдид қилаётган бир қатор санкцияларни жорий қилди.

Ғарб Путин режими остида миллиардлаб долларларни ўмарган россиялик олигархлар ва «коррупциялашган етакчиларни» нишонга олиб, «уларнинг яхталари, қиммат уйлари, шахсий самолётларини тортиб олади», деб огоҳлантирган Байден.

«Биз нопок йўл билан орттирган бойликларингизни тортиб оламиз», деб айтган Байден қарсаклар остида.

Украина қарши босқинга жавобан Байден Россия самолётлари, жумладан авиалайнерлари учун АҚШ ҳаво ҳудуди ёпилишини эълон қилган, Қўшма Штатлардан Канадагача ва бир қатор Европа мамлакатлари ҳам худди шундай қарор қабул қилганлар.

Унинг сўзларига кўра, Путин санкцияларнинг Россия иқтисодиётига қанчалик «оғриқли» таъсир қилишини, унинг босқини Ғарб мамлакатлари томонидан нечоғли кучли қаршиликка дуч келишини тўғри баҳолай олмаган.

«Путиннинг аввалдан ўйланган бу уруши умуман асоссиз», деб айтган у.

«У бир неча бор дипломатик саъй-ҳаракатларни рад этди. Ғарб ва НАТО жавоб чоралари кўрмайди, деб ўйлади. У бизни ажратиб юбориш мумкин, деб ўйлаган эди», дейди Байден. «У бизни Европада ҳам ажратиб юбормоқчи эди.»

«Аммо Путин хато қилди. Биз тайёрмиз. Биз бирдаммиз».

Украина девори

Байден шиддатли ҳарбий ҳужумга қарамай, русларга қарши турган украиналикларга тасанно айтди.

Путин «Украинага бостириб кираман ва дунё ағдар-тўнтар бўлиб кетади, деб ўйлаган эди. Қайтанга у ҳеч қачон кутмаган ва тасаввур қилмаган қудратли деворга дуч келди», деб таъкидлади Байден. «У украин халқи билан юзлашди.»

АҚШ конгрессменлари мамлакатнинг Вашингтондаги элчиси Оксана Маркаровага юзланган ҳолда Украинани тик туриб олқишладилар.

«Бугун кечқурун шу залдаги ҳар бир одам Украинага ва бутун дунёга қатъий мужда йўлласин. Илтимос, агар қўлингиздан келса, ўрнингиздан туринг ва биз, Америка Қўшма Штатлари Украина халқини қўллаб-қувватлашини кўрсатинг.»

Конгрессменлар бир овоздан қарсак чалиб, олқишлар экан, кўзлари ёшга тўлган Маркарова ўзини қўлга олишга уринди.

Сизга мақола ёқдими?

Фикрлар 3

Сиёсат * Мажбурий 1500 / 1500

«Россия кучсизлигидан фойдаланиб абадий дивидент оламиз деб ўйламанг. Руслар доим пулини қайтарган. Қайтганларида эса гўёки сизни оқлайдиган шартномаларингизга ишониб қолманг. Улар ёзилган қоғозга ҳам арзимайди. Россияликлар билан қоидага асосан ўйнанг ёки умуман ўйнаманг.»

Жавоб бериш

Французларнинг президенти бетайин, овсар ва калтафахм: бошидан аниқ бўлган нарсани эшитиш учун Эммануэль Путинга бир ҳафта учинчи марта қўнғироқ қилди.

Жавоб бериш

Оқ уй ва бошқа Ғарб мамлакатлари россияликларнинг Украина қотиллари фуқаролардан тирик қалқон сифатида фойдаланмаслиги талабини қоралайди, бўлмаса украиналик фашистлар қолмайди.

Жавоб бериш