Карвонсарой
Хавфсизлик

«Интиҳо яқин»: Россия Херсондан шармандаларча чиқиб кетди

Карвонсарой ва AFP

«Украиналик гувоҳ» нодавлат ташкилоти томонидан олинган суратларда Россия қўшинлари чекиниши ортидан Украина қўшинлари жанубий шаҳарга киргач, Херсонда шаҳар кенгаши биноси олдидаги майдонда байрам қилаётган одамлар акс этган. [AFP]

ПРАВДИНЕ, Украина – Херсон яқинидаги қишлоғи саккиз ойдан ортиқ россиялик аскарлар ишғолида бўлган Светлана Галак уларни озод қилишга келган украиналик аскарларни кўриб, «хурсандчиликдан йиғлаганини» айтади.

«Россияликлар қачон келганини билмайман, аммо кеча ёки ўтган куни украиналик аскарни кўриб, енгил тортдим», дейди 43 яшар аёл AFP билан суҳбатда.

«Украина ахийри озод қилингани учун хурсандчилик кўз ёшларини тўкдим», деди у.

У яшайдиган Правдине қишлоғи Херсон шаҳридан 50 км шимоли-ғарбда жойлашган. Худди шу номдаги вилоят феврал ойи охирида Россия қуролли кучларининг босқинидан кўп ўтмай эгаллаб олинган эди.

Яқинда қайтариб олинган Херсон шаҳри марказида Украина байроғини ҳилпиратиб турган аёл, 14 ноябр. Украина қўшинларининг Херсон вилоятини эгаллаши – яшин тезлигидаги ғалаба, бир неча кун ичида ҳукуматни эгаллаб олиш ва ағдариш умидида 24 феврал куни Украинага бостириб кирган Россия учун навбатдаги муваффақиятсизлик бўлди. [Александр Гиманов/AFP]

Яқинда қайтариб олинган Херсон шаҳри марказида Украина байроғини ҳилпиратиб турган аёл, 14 ноябр. Украина қўшинларининг Херсон вилоятини эгаллаши – яшин тезлигидаги ғалаба, бир неча кун ичида ҳукуматни эгаллаб олиш ва ағдариш умидида 24 феврал куни Украинага бостириб кирган Россия учун навбатдаги муваффақиятсизлик бўлди. [Александр Гиманов/AFP]

Яқинда қайтариб олинган Херсон шаҳрида Украина байроғига ўралиб олган аёл украиналик аскарни бағрига босмоқда, 14 ноябр. [Александр Гиманов/AFP]

Яқинда қайтариб олинган Херсон шаҳрида Украина байроғига ўралиб олган аёл украиналик аскарни бағрига босмоқда, 14 ноябр. [Александр Гиманов/AFP]

Жума (11 ноябр) куни Россия 30 мингдан ортиқ аскарини жанубий вилоятдан олиб чиқар экан, маҳаллий аҳоли Украина президенти Владимир Зеленскийнинг Херсонни «бизники» деб эълон қилишига хурсандчилик билан ва шодиёна билан жавоб қайтарган.

Шанба куни Херсон шаҳри аҳолиси бу воқеани байрам қилиш, рақсга тушиш ва украиналик аскарларни қучиш учун марказий майдонга ошиқди.

Душанба (14 ноябр) куни озод этилган шаҳарга кутилмаганда ташриф буюрган президент Владимир Зеленский Украинанинг Херсонни қайта қўлга киритганини «уруш интиҳосининг бошланиши» деб атаган.

Аммо, россияликлар назорати остида шаҳарнинг «муҳим инфратузилмаси» вайрон бўлган ва аҳоли электр қуввати, коммуникация ва интернетсиз қолган, деди у.

«Россия байроғи буткул вайронгарчилик демакдир», деб айтган у шаҳарнинг нормал ҳаётга қайтишини ваъда қилиб.

Москва ўтган ой Херсонни ноқонуний аннексия қилиб олган эди. Россия президенти Владимир Путиннинг матбуот котиби Украина етакчиларининг ташрифи унинг мақомига таъсир қилмаслигини айтган.

Россиянинг Херсондан чекиниши икки кунда Киевни қўлга олишни умид қилган босқинчи кучларнинг навбатдаги муваффақиятсизлигини акс эттиради.

Аксинча, Россия қуролли кучлари март ойи охирида Киев ҳудудидан чекинишга мажбур бўлди, апрелда ракета зарбаси туфайли Қора денгиз флотининг байроқдор кемасидан айрилди ва сентябрда Харков вилоятидан сиқиб чиқарилди.

Правдинедаги вайронагарчиликлар

Галак – урушга қадар минг кишилик аҳолиси бўлган, яйлов ўртасида жойлашган Правдине қишлоғида яшовчи 180 кишидан бири.

Айрим биноларнинг томлари портлаб кетган, бир нечта уй вайрон бўлган. Минага қарши ҳимоя ва портловчи моддалар қолдиқлари қишлоқ далалари бўйлаб сочилиб ётибди, булар – бомба ҳужумларидан қолган нарсалар.

Киевнинг Қора денгизга дарвоза бўлиб хизмат қиладиган жанубий ҳудудларни қайта қўлга олиши унинг учун ҳам қувончли, ҳам оғир – Галакнинг тўнғич қизи қишлоқ бомбардимон қилинганида ҳалок бўлган.

«Очиғи, россияликларнинг бу ерда эканидан ва қизимнинг вафотидан қайғуда эдим. Бу мен учун оғир», деб айтган у.

Унинг эри Виктор айрим аскарларнинг қўпол муносабати, жумладан Правдиненинг бошқа жойида онасининг олдига кетаётганида тўхтатилгани ҳақида AFP нашрига сўзлаб берган.

«Россияликлар бизни тўхтатишди ва тиз чўкишга мажбурлашди», деди 44 яшар фуқаро AFP нашрига.

У ҳақиқатдан ҳам шу қишлоқдан экани ҳақида сўроқ қилинаётганида аскарларнинг бири унинг қўл-оёқларини боғлаган.

«Кейин яна бири келиб, қочиб кетмаслигим учун тагимга граната қўйиб қўйишини айтди», дейди у.

Аллақачон қизининг ўлдирилганини айтар экан, улардан: «Нимага тагимга граната қўясизлар?Ҳаммамизни ўлдирмоқчимисиз? Мақсадингиз нима? Фашистмисизлар?» деб сўраган.

Бахтга кўра, сўроқ тугагунига қадар аскарлардан бири уни таниб қолган ва уни қўйиб юборишган.

Виктор айрим аскарлар билан тўқнашганига қарамай, қолган кўпчилик у билан «урушишни истамаган».

«Улар кайфиятсиз ўтиришар, бу ердалиги ва оиласи билан эмаслигидан хурсанд эмасди.»

«Биз украиналикмиз»

«Украиналик аскарларни кўрганимиздан хурсанд бўлиб кетдик, чунки биз украиналикмиз», деб айтган Виктор.

Шанба куни кўнгиллилар машинада озиқ-овқат тарқатишга келишди. Икки аёл йиғлаганча бир-бирини қучоқлар эди.

Светлана Стрилецкага кўра, оккупациядан бери қишлоқда 23 киши ҳалок бўлган.

50 яшар мактаб директори ва Правдине маслаҳатчисининг ўринбосари гуманитар ёрдамни ташишга кўмаклашган.

«Сариёғ ва кунгабоқар мойини ишлаб чиқарадиган кичик цехимиз бор эди», деб айтган у. «Одамларга ёрдам берганимиз учун россияликлар ҳаммасини йўқ қилишди.»

У эри билан Правдинедан қочишга мажбур бўлганини айтади.

Ҳечам ёдимдан чиқмайди, қишлоқдан бир киши югуриб келиб, «қочишингиз керак, сизларни қидиришяпти», деб айтган, дейди у AFP нашрига.

«Мен қочиш ёки ўлишдан бирини танлашим керак эди.»

Сизга мақола ёқдими?

Фикрлар 1

Сиёсат * Мажбурий 1500 / 1500

Россиянинг ўйинчоқ армияси бирпаста қочиб кетди )))

Жавоб бериш