MQ-25 Stingray АҚШ ҳарбий денгиз кучларининг ҳавода ёқилғи қуйиш имкониятларини кучайтирмоқда

Янги ҳавода ёқилғи қуйиш дрони АҚШ ҳарбий денгиз кучларига жанговар операцияларни аввалгидан узоқ вақт ва масофада амалга ошириш имконини беради.

Биринчи марта 2019 йил сентябрида ҳавога кўтарилган MQ-25 Stingray ҳарбий кемаларда жойлашувчи биринчи операционал ёқилғи қуйиш дрони ҳисобланади ва АҚШ ҳарбий денгиз кучларининг самолёт ташувчи кемалари кўлами ва чидамлилигини кучайтиради.

Ёқилғи етказиб бериш имкониятларидан ташқари, MQ-25 Stingray иккиламчи разведка ва кузатув ролини ҳам бажаради.

Бу функциялар ҳарбий денгиз кучларининг авиаташувчи кемаларнинг зарбдор гуруҳи ва самолётларининг қобилияти ва кўп қирралилигини оширади.

USNI News нашрига кўра, MQ-25 2026 йилда дастлабки экплуатацион имкониятларини амалга ошириши, яъни АҚШ ҳарбий денгиз кучларининг авиаташувчиларида жойлаштирилиши кутилмоқда. 2030 йилга келиб тўлиқ имкониятлар ишга туширилади.

Ҳарбий денгиз кучлари барча Nimitz ва Ford тоифасидаги авиаташувчилари охир-оқибат MQ-25 билан жиҳозлашни режалаштирмоқда.

Самолётга ҳавода ёқилғи қуйиш

MQ-25 дронининг энг муҳим имконияти самолётларга ҳавода ёқилғи қуйиш ҳисобланади.

Бу айниқса авиаташувчилар операцияларида муҳим имконият, чунки самолётларга авиаташувчига қайтмай ҳавода узоқроқ вақтга қолиш ва узоқроқ масофага сафар қилиш имкониятини беради.

MQ-25 15 минг фунт (6804 кг) ёқилғини 926 км (500 денгиз миляси) масофага ташиш ва ҳавода бир нечта самолётга ёқилғи қуйиш имкониятига эга.

Парвоз вақтида ёқилғи қуйиш орқали MQ-25 F/A-18 Super Hornet, F-35C Lightning II ва EA-18G Growler самолётларининг жанговар масофасини узайтиришга ёрдам беради, бу уларга узоқ масофали миссияларни бажариш ва станцияда узоқ муддатга қолиш имконини беради.

MQ-25 ишга туширилгач, айни вақтда F/A-18 бажарувчи авиаташувчидаги ёқилғи қуйиш ролини бажаради, бу учувчиларга ҳужум миссияларига диққат қаратиш ва самолётларнинг ҳаракат кўламини кенгайтириш имконини беради.

Автоном парвоз

Шунингдек, MQ-25 жуда автоном, бу минимал инсон аралашуви билан турли жараёнларда фаолият олиб бориш имкониятини беради.

У илғор сенсорлар ва бошқарув тизимлари, жумладан радар, лидар (ёруғлик ва масофани аниқлаш) ва оптик камералар билан жиҳозланган бўлиб, улар қийин муҳитда ҳаракатланиш ва тўсиқлардан қочиш имконини беради.

У ўз операцияларини мувофиқлаштириш ва реал вақтда маълумотларни узатиш учун бошқа самолётлар ва қуруқликдаги тизимлар билан боғланиши мумкин.

Дронлар учувчили самолётлар фойдаланадиган учириш ва тўхтатиш мосламалари билан бошқарилиши мумкин, бу уларга авиаташувчи операцияларига осон интеграция қилиш имкониятини беради.

Махфийлиги юқори бўлган MQ-25 душман радарлари аниқланмай мураккаб шароитларда фаолият олиб бора олади. У илғор радар тўлқинларини ютувчи материаллар ва бошқа яширин технологиялар билан жиҳозланган бўлиб, бу унинг радар кесимини камайтиришга ёрдам беради ва уни аниқлашни қийинлаштиради.

Жуда мослашувчан

MQ-25 парвозда ёнилғи қуйишдан ташқари бир қатор вазифаларни бажариш қобилиятига эга бўлган юқори даражада мослашувчан этиб яратилган.

«MQ-25 дронлари иккиламчи разведка ва кузатув ролини ва асосий флот билан бир қаторда денгиздаги операциялар учун радар вазифасини бажариши режалаштирган», деб хабар берган Military Factory нашри 2021 йилда.

Бундай мослашувчанлик Ҳарбий-денгиз кучларига MQ-25 дронларини турли жараёнлар ва топшириқларга мослаштиришга имкон беради, бу эса уни бир қатор операцияларда жуда қимматли активга айлантиради.

MQ-25 дронининг яна бир муҳим имконияти – бу турли об-ҳаво, жумладан кучли шамол ва тўлқинли шароитларида фаолият олиб боришдир.

MQ-25 ишга туширилганидан кейин Ford тоифасидаги супер авиаташувчиларнинг жанговор қудратини янада ҳалокатли қилади. Ford тоифасидаги авиаташувчиларга жойлаштирилган F-35 яширин қирувчилари MQ-25 ёрдамида уларнинг ҳужум масофасини узоқлаштиради.

Ford тоифасидаги биринчи USS Gerald R. Ford (CVN-78) ташувчиси USS George H.W. Bush (CVN-77) тарк этганидан сўнг жорий йилда Ўртаер денгизига жойлаштирилиши кутилмоқда.