Карвонсарой
Жиноят ва адолат

Ал-Ҳолдаги ИД аёллари: ўсмир ёшлар ва ҳомиладорлик

Волид Абул Хайр

14 август куни Сурия шимоли-шарқидаги ИДга аъзоликда гумон қилинганларнинг яқинлари сақланадиган, курдлар бошқарувидаги ал-Ҳол жамлоғидан озодликка чиқиш арафасида турган сурияликлар орасида боласини кўтариб турган аёл. [Далил Сулаймон/AFP]

14 август куни Сурия шимоли-шарқидаги ИДга аъзоликда гумон қилинганларнинг яқинлари сақланадиган, курдлар бошқарувидаги ал-Ҳол жамлоғидан озодликка чиқиш арафасида турган сурияликлар орасида боласини кўтариб турган аёл. [Далил Сулаймон/AFP]

Курд расмийларининг Ал-Машариқ нашрига айтишича, Сурия шимоли-шарқидаги ал-Ҳол лагерида яшаётган «Ислом давлати» (ИД) аёллари жангариларнинг кейинги авлодини тарбиялаш режаси доирасида ўсмир болаларни улар билан мажбуран алоқага киришиб, ҳомиладор бўлишга уринаётган бўлиши мумкин.

Бу аёлларнинг аксарияти ИД жангариларининг бевалари бўлса, айримлари жангарилардир.

Расмийларга кўра, аёллар ИДнинг «Олдинга юриш ва кўпайиш» кампанияси доирасида ҳаракат қилаётган ўлиб, бунинг мақсади гуруҳнинг қайтишига ёрдам бериш учун «халифалик болаларининг» янги авлодини яратишдир.

Аёлларни ҳимоя қилиш бўлинмалари (YPJ) аъзоси Рошан Кобанининг айтишича, лагерда қаттиқ хавфсизлик чоралари кўрилаётганига қарамай, ИД аёллари пичоқлар, телефонлар ва ҳатто янги туғилган чақалоқларни яшириш йўлларини топмоқда.

26 август кунги суратда курдларнинг Асайиш хавфсизлик кучлари ва Сурия демократик кучлари томонидан ўтказилаётган хавфсизлик амалиёти чоғида Сурия шимоли-шарқида ИДга аъзоликда гумон қилинганларнинг қариндошлари сақланадиган ал-Ҳол лагери акс этган. [Далил Сулаймон/AFP]

26 август кунги суратда курдларнинг Асайиш хавфсизлик кучлари ва Сурия демократик кучлари томонидан ўтказилаётган хавфсизлик амалиёти чоғида Сурия шимоли-шарқида ИДга аъзоликда гумон қилинганларнинг қариндошлари сақланадиган ал-Ҳол лагери акс этган. [Далил Сулаймон/AFP]

Жамлоқдаги бир нечта манба «Олдинга юриш ва кўпайиш» кампанияси ҳақидаги хабарни тасдиқлаган бўлса-да, янги чақалоқлар борлигини тасдиқловчи ҳеч қандай далил топилмади, деди у Ал-Машареқ нашрига.

«Чақалоқлар, чодирлар ичида қазилган яширин жойларга беркитилган бўлиши мумкин.»

ИД аёллари «ғайратли» бўлиб, лагер ичида ва ташқарисида гуруҳнинг баъзи етакчилари билан доимий алоқада, чунки улар гуруҳнинг кўпайиш орқали қайта тикланишига умид қилади, деди Кобани.

Шунингдек, улар болаларни «халифалик болаларига айлантириш учун» уларнинг онгини заҳарлайдилар, деди у.

У нафақат лагердаги ўғил болалар, балки ИД аёллари томонидан тарбияланган ёш қизлар ҳам катта бўлганида худди шундай вазифаларни бажариши, жумладан, гуруҳ мафкурасини тарқатиш ва кўпайиш қуролига айланиши мумкинлигини айтди.

Қотилликка ўргатиш

Ал-Ҳол ва Рож лагеларида (Рож уларнинг кичикроғи бўлиб, унда хорижлик аёллар ва болалар сақланади) эркаклар ва аёллар бир-биридан ажратилган. Ўсмир ўғил болалар балоғатга етганидан кейин махсус бўлимларга ўтказилади.

Ал-Ҳол лагеридаги тиббий муассасада ишлайдиган Курд Қизил Ярим ой жамияти вакили Азад Дудекининг айтишича, ал-Ҳолдаги ёш ўсмирларни аёллардан ажратиш жуда қийин, чунки аёллар ўғил болаларнинг юзини яшириб, уларни ниқоб кийишга мажбур қиладилар.

Унинг иддаосича, шу тариқа ИД аёллари ўғил болаларни «улар қиз бола деган баҳона билан» ўз бўлимида ушлаб туриши ва кейинчалик улардан ҳомила учун жинсий алоқа воситаси сифатида фойдаланиши мумкин.

Бундай эксплуатация вақти-вақти билан ўз тасдиғини топади: лагер аҳолиси орасида ўтказилган сўровларда бир қанча болалар пайдо бўлар экан, уларнинг исмлари яшовчилар рўйхатида бўлмайди. Рўйхатга олиш кўзнинг тўр пардасини сканерлар ва бармоқ изларини олиш орқали ўтказилади, деди Дудеки.

Бу болаларда лагернинг барча ходимларига, ҳатто тиббий, ижтимоий ва маъмурий ходимларга нисбатан чуқур нафрат бор, деди у.

«Лагердаги аёллар болаларга пичоқ ва бошқа ўткир буюмлардан фойдаланиш, жанговар ўйинлар ўйнашни ўргатаётгани аниқланган. Бу болалар қотиллик машиналари ва соатли бомбаларга айлантирилаётган бўлиши мумкин», дейди у.

«Халифалик болалари»

Ал-Ҳолдаги «Асайиш» (ички хавфсизлик) кучларининг хавфсизлик бўлими расмийси Аднон Азадийнинг айтишича, ИД «халифалиги» парчаланиб кетиб, гуруҳ жанговар қудратини йўқотганидан сўнг, энди у жангариларнинг кейинги авлодини тарбиялаш учун асосий эътиборни ал-Ҳол лагерига қаратган.

Лагердаги аёллар экстремистик ғояларни ёйинлаб, болаларни «халифалик болаларига» айлантириш учун онгини заҳарлаб, гуруҳнинг қайта тикланиши учун пойдевор яратмоқда, деди у.

«Бу жой ИДнинг кейинги авлоди учун том маънода кўпайиш майдони», деган эди АҚШ Марказий қўмондонлиги қўмондони генерал Майкл «Эрик» Курилла ўтган йили ал-Ҳолга борганидан кейин берган баёнотида.

ИД аёллари болаларни эксплуатация қилишдек ғайриоддий ролни бажараётгани ажабланарли эмас, чунки ИД назоратидаги ҳудудга аёллар аввало «туғиш ва жангариларнинг кўнгилхушлиги учун» олиб келинган, деб айтган Озодий.

«Гуруҳ Сирияга бутун дунёдан ёшларни жалб қилиш учун аёллар ва никоҳдан асосий восита сифатида фойдаланган», деб айтган у Al-Mashareq нашрига.

Ал-Ҳол «ундаги одамларнинг сони катталиги туфайли исталган вақтда портлаши мумкин бўлган, вақти тугаб бораётган бомба ва унда фуқаролари бор давлатларни ташвишга солади», деб огоҳлантирган Озодий.

Охир-оқибат бу барча мамлакатларга таъсир қилади, чунки ИДнинг экстремистик ғояси истисносиз ҳаммага таъсир ўтказади, деб айтган у.

Сизга мақола ёқдими?

Фикрлар 0

Сиёсат * Мажбурий 1500 / 1500