ОСТОНА – Қозоғистон бош вазири Бакитжан Сагинтаевнинг сўзларига кўра, Қозоғистонга янги хорижий инвестициялар жалб этилиши кутилмоқда, деб хабар берди Kazinform жума, 9 февраль куни.
«Мамлакат чет эл инвестицияларининг янги тўлқинига ҳозирлик кўрмоқда», деди Сагинтаев президент Нурсултон Назарбоев раислигида ўтган ҳукумат йиғилишида.
Қозоғистон Марказий Осиёда хорижий инвестицияларни жалб қилиш бўйича етакчи ҳисобланади, деди Сагинтаев. Унинг қайд этишича, Chevron компаниясининг 37 млрд. АҚШ долларига (121 трлн. тенге) тенг инвестицияси ҳисобига Тенгиз нефть кони лойиҳасининг кенгайтирилиши жаҳонда мислсиз ҳисобланади.
«Мустақиллик йилларида мамлакатга жалб этилган тўғридан-тўғри инвестициялар ҳажми 300 млрд. долларни (98 трлн. тенге) ташкил этди», деди у.
