БИШКЕК – Қирғизистон ҳуқуқни муҳофаза қилиш органлари Европадан Марказий Осиёга наркотик моддалар олиб ўтишда гумон қилинаётган халқаро жиноий гуруҳ аъзоларини қўлга олди. Бу ҳақда 24.kg нашри душанба, 2 апрел куни Қирғизистон давлат хавфсизлик қўмитаси (ГКНБ) матбуот хизматига таяниб хабар берди.
Наркофурушлар Чуй вилояти ва Бишкек шаҳрида катта миқдорда alpha-PVP синтетик гиёҳвандлик моддасини сотишга уринган пайтда ГНКБ ходимлари томонидан қўлга олинган.
Мусодара қилинган alpha-PVP наркотик моддаси ҳажми ҳақида маълумот берилмаган. Айни пайтда барча гумондорлар ГНКБ ҳисбхонасида сақланмоқда, деб хабар беради қўмита.
Alpha-PVP – кучли синтетик психотроп модда бўлиб, қўлбола усулда тайёрланадиган наркотик ҳисобланади.
