ОСТОНА – Халқ бирдамлиги кунига бағишланган концертда иштирок этиш учун 1 март, сешанба куни Қозоғистоннинг турли бурчакларидан санъаткорлар, рақс ансамбллари ва хонандалар Остонага ташриф буюрдилар, деб хабар берди давлат раҳбари Нурсултон Назарбоевнинг матбуот хизмати.
Байрам тадбирларида мазкур сана муносабати билан Қозоғистон халқига табрик йўллаган президент Назарбоев ҳам иштирок этган.
«Халқ бирдамлиги куни ватанпарварлигимиз, ватанга муҳаббат ва садоқатимизнинг ёрқин рамзидир», деди у табрик нутқида.
Назарбоев халқнинг «бирдамлик ва ҳамжиҳатликка» эътибор қаратишини мамлакатнинг барқарор тараққиёти омили деб атади.
