Карвонсарой

Қозоғистон ташқи ишлар вазири Вашингтонга келди

Карвонсарой

ВАШИНГТОН, КО – Қозоғистон ташқи ишлар вазири Қайрат Абдраҳманов диний эркинликни кучайтириш бўйича вазирлар анжуманида қатнашиш учун Вашингтонга ташриф буюрди. Бу ҳақда пайшанба, 26 июль куни Қозоғистон ташқи ишлар вазирлиги хабар берди.

АҚШ давлат департаменти мезбонлигидаги анжуман 25-26 июль кунларига белгиланган эди.

АҚШ давлат котиби Майкл Помпео таклифига биноан Вашингтонга келган Абдраҳмонов чоршанба, 25 июль куни анжуман олдидан АҚШ давлат департаменти расмийлари билан учрашди.

Томонлар Қозоғистон-АҚШ муносабатлари ва икки мамлакатнинг сиёсий-иқтисодий ҳамкорлигини муҳокама қилдилар. Улар, шунингдек, Қозоғистон президенти Нурсултон Назарбоевнинг январ ойида Вашингтонга расмий ташрифи чоғида эришилган келишувларнинг ижросини кўриб чиқдилар, дейилади баёнотда.

Абдраҳманов АҚШнинг етакчи компаниялари раҳбарлари билан учрашар экан, Қозоғистондаги қулай бизнес муҳитини ва АҚШ инвестициялари ҳажмининг ортганини таъкидлаб ўтди.

У Қозоғистоннинг мамлакат иқтисодиётини диверсификация қилиш, шунингдек, ишлаб чиқариш, транспорт инфратузилмаси, қишлоқ хўжалиги, алоқа ва ахборот технологиялари соҳасидаги қўшма лойиҳаларни амалга ошириш учун Америка тажрибасини ва капиталини жалб қилишга тайёрлигини билдирди.

Сизга мақола ёқдими?

Фикрлар 0

Сиёсат * Мажбурий 1500 / 1500