ИССИҚКЎЛ, Қирғизистон – Қирғизистон Савдо-саноат палатаси ва Иссиқкўл вилояти ҳокимлиги душанба, 20 август куни Қоракўл шаҳрида халқаро кўргазма ташкил этди, деб хабар беради AKIpress.
«EXPO Иссиқкўл-2018» вилоятга хорижий инвестицияларни жалб этишга қаратилган.
Тадбирда Қозоғистон, Ўзбекистон, Бельгия, Германия ва бошқа мамлакатлар компаниялари ўз маҳсулотларини намойиш этмоқда.
Экспозиция «Қирғизистоннинг бошқа мамлакатлар билан савдо-иқтисодий алоқаларини мустаҳкамлашга хизмат қилади», дейди ташкилотчилар.
Уларнинг айтишича, «мазкур минтақанинг янада муваффақиятли ривожланиши учун инфратузилма лойиҳаларини амалга ошириш, хизматларни яхшилаш, қўшма корхоналар ташкил этиш ва туризмни ривожлантириш зарур».