ДУШАНБЕ – АҚШ давлат котибининг Марказий Осиё масалалари бўйича ёрдамчиси ўринбосари Эмилия Пума раҳбарлигидаги АҚШ делегацияси 23 октябр, сешанба куни Душанбеда Тожикистон расмийлари билан учрашади. Бу ҳақда Душанбедаги АҚШ элчихонаси хабар бермоқда.
Икки мамлакат ҳукуматлари ўртасида еттинчи бор ўтказиладиган йиллик маслаҳатлашувларда стратегик алоқалар ва ҳамкорликнинг истиқболдаги йўналишлари муҳокама этилади.
Баёнотга кўра, зўравонлик экстремизми ва наркотрафикка қарши кураш, минтақавий алоқалар ва иқтисодий ўсишни рағбатлантириш кабилар шулар жумласидандир.
