ОСТОНА – 7 ноябрь куни Остонада Қирғизистон ва Қозоғистон хавфсизлик идоралари вакиллари гиёҳванд моддаларнинг ноқонуний айланмаси ва трансчегаравий жиноятларга қарши кураш масалаларини муҳокама қилдилар, деб хабар беради АКИпресс.
Иштирокчилар, шунингдек, диний экстремизм ва терроризмга қарши кураш ҳамда икки мамлакат ўртасида савдо-сотиқни кучайтириш юзасидан фикр алмашдилар.
Томонлар хавфсизлик соҳасида ҳамкорликни кенгайтириш зарурлигини таъкидладилар.
Келгуси учрашувни Қирғизистонда ўтказишга келишиб олинди.