АШХОБОД, Туркманистон – Туркманистоннинг турли ёрдам юклари ортилган автокарвони Афғонистонга етиб келди, деб хабар берди ўтган ҳафтада «Олтин аср» туркман телеканали.
Карвон президент Гурбангули Бердимуҳамедовнинг буйруғи билан 24 июль куни йўлга чиққан эди. У дори-дармонлар, дарсликлар, мактаб анжомлари, болалар кийим-кечаклари, текстиль ва ширинликлар олиб келган.
Уруш туфайли вайрон бўлган Афғонистондаги барқарорликка кўмаклашиш мақсадида, Туркманистон мунтазам равишда ушбу мамлакатга инсонпарварлик ёрдамлари ҳамда имтиёзли нархларда электр энергияси ва табиий газ етказиб туради.