Karvonsaroy
Xavfsizlik

Tahlilchilar Putinning o‘ylab chiqarilgan, “yengilmas” qurolini rad etmoqdalar

Karvonsaroy

Rossiya prezidenti Vladimir Putin Moskvada 1-mart kuni xalqqa murojaat qildi. (Kreml)

Rossiya prezidenti Vladimir Putin Moskvada 1-mart kuni xalqqa murojaat qildi. (Kreml)

MOSKVA – Rossiya prezidenti Vladimir Putin payshanba, 1-mart kuni qilgan ma’ruzasida Rossiya “yengilmas” qurollarning yangi avlodini yaratganini aytib o‘tdi. Ammo tahlilchilar va kuzatuvchilar bu da’voni uydirma va siyosiy manfaatga asoslangan deya rad etmoqdalar.

18-mart kuni bo‘lib o‘tadigan saylovlardan so‘ng, Putin Kremlda to‘rtinchi muddatga qolish istagini bildirmoqda. Ko‘pchilikning fikricha, bu saylovlar Putin foydasiga soxtalashtirilgan. U Rossiyaning harbiy qudrati haqida bir nechta oshkora bayonotlarni e’lon qilgan.

Putin Rossiya yangi tovushdan tez uchuvchi raketa tizimi – Avangard tovushdan tez transport vositasini yaratganini da’vo qildi. Bu qurol tovushdan 20 marta tez uchadi hamda yuqoriga va pastga manevr qila oladi.

“Bu uni har qanday havo, yer va raketa mudofaa tizimlari uchun mutlaqo yengilmas qilib qo‘yadi”, dedi u va uni “ideal qurol” deb atadi.

Putin o‘z murojaatnomasida “yengilmas” qurolni namoyish qilish uchun foydalangan videodan olingan kadr. Bu – quroldan ko‘ra ko‘proq eski video-o‘yinga o‘xshaydi, deydi tahlilchilar. (Kreml)

Putin o‘z murojaatnomasida “yengilmas” qurolni namoyish qilish uchun foydalangan videodan olingan kadr. Bu – quroldan ko‘ra ko‘proq eski video-o‘yinga o‘xshaydi, deydi tahlilchilar. (Kreml)

Putinning qovushmagan ikki soatlik nutqi davomida, tinglovchilar parishonxotir ko‘rindilar, ba’zilar esa hatto boshlarini chayqab o‘tirishdi. (Kreml)

Putinning qovushmagan ikki soatlik nutqi davomida, tinglovchilar parishonxotir ko‘rindilar, ba’zilar esa hatto boshlarini chayqab o‘tirishdi. (Kreml)

Rossiya “Kinjal” yoki Xanjar deb nomlagan yangi kichik havo raketasi tizimidan sinov tariqasida foydalanishni boshagan, u tovushdan 10 marotaba tez va nishonga oldindan taxmin qilib bo‘lmaydigan trayektoriya bilan uchadi, dedi Putin.

Bundan tashqari, Putinning so‘zlariga ko‘ra, Rossiya suv osti kemalari va torpedalardan tez va yadroviy raketalarni tashish imkoniyatiga ega pilotsiz suvosti qurilmalarini, hamda yadroviy qanotli raketalarni ishlab chiqdi.

O‘z ma’ruzasi davomida Putin tog‘li hududlar va okeanlarda harbiy manyovr o‘tkazayotgan, hatto Atlantika okeanini kesib o‘tadigan harbiy texnika tasvirlangan bir nechta videorolikni namoyish qildi.

Videolarning ko‘pi 1980-1990-yillardagi video o‘yinlar sifatiga o‘xshash tasvirlar bo‘lgan.

Putinning bunday jangovar ruhda gapirishi va yuqori natijalarni namoyish qilishi, uning saylovlar oldidan “qudratli” ko‘rinish yo‘lida qilayotgan urinishi, deydi tahlilchilar.

Tahlilchilar Putinning da’volarini rad etmoqdalar

1991-yilda Sovet Ittifoqi parchalanganidan so‘ng, Rossiya armiyasi “achinarli holatga” kelib qoldi, deydi Putin.

Hozirgi Rossiya harbiy doktrinasi yolg‘onga asoslangani inobatga olinsa, mudofaa tahlilchilari bu qurollarning haqiqatan ham mavjudligiga shubha bilan qaramoqdalar, deb xabar beradi The New York Times nashri.

“Putinning da’volariga qaramay, amerikalik rasmiylar yadroviy qanotli raketa layoqatsiz ekani va Arktikada sinovlar vaqtida muvaffaqiyatsizlikka uchraganini aytgan edilar”, deb xabar bergandi nashr 1-mart kuni.

“Bu ahmoqgarchilik deb o‘ylayman. Bu po‘pisa”, deydi AQSH dengiz harbiy kollejida milliy xavfsizlik ishlari bo‘yicha professor Tomas Nikols.

“Bu xuddi 1970-yillardagi yadroviy fan yutuqlarini madh qiluvchi nutqlarga o‘xshaydi”, dedi u ThinkProgress nashriga.

Taqdimotda kompyuterda yasalgan tasvirlar qo‘llanilgan, ularda “yer-joylardagi relyeflar eskirgan va 1980-yillar sifatiga o‘xshaydi, dedi u. Buni oddiygina qanotli raketalar ham eplay oladi. 35 yil avvalgi texnologiyalar bu.”

Putin nutqida aytib o‘tilgan yagona “xavf” bu Rossiya byudjetiga bo‘lgan xavfdir, bu qurollar ishlab chiqish va sinash natijasida paydo bo‘ladi.

“Agar ular haqiqatan ham shu narsalarni yaratishga urinayotgan bo‘lsalar, ularga omad”, dedi u.

NBC News bilan suhbatlashgan ikki sharhovchining so‘zlariga ko‘ra, Putinning nutqi chog‘ida namoyish etilgan, bir necha jangovar kallaklarga ajraluvchi raketa tasvirlangan videoroliklar Rossiyaning “Iblis” raketasi haqidagi eski hujjatli filmining tasvirlari bilan bir xil.

“Ulardagi kontent bir xil ekanligi aniq”, deb aytgan Dartmut kollejidagi kompyuter fanlari kafedrasi mudiri va sud tibbiyot ekspertizasi mutaxassisi Hany Farid NBC kanaliga.

Rossiya va Markaziy osiyoliklar Kreml ustidan kulmoqdalar

Rossiya va Markaziy Osiyoda mashhur bo‘lgan “Exo Moskvy” yangiliklar saytining o‘quvchilari maqolaga g‘azabga to‘la va fosh qiluvchi fikrlar bildirganlar. Ushbu saytda Putin nutqining to‘liq matni va ikki soatlik video joylashtirilgan.

Fun43 nomli foydalanuvchining yozishicha, “Mamlakatning yangi yadro quroli haqidagi nutqi davomida Rossiya prezidenti Vladimir Putin 11-yillik videodan foydalangan”.

““Iblis” ballistik raketasinining jangovar kallaklarga bo‘linishi ko‘rsatilgan kadrlar 2007-yiling 1-sentyabr kuni “Zarbdor kuch” yangiliklar dasturida namoyish etilgan edi”, deb yozdi fun43.

“Bu ko‘ngilni behuzur qiladigan narsadan ham battar ... qusib yuborging keladi. U 20 yil davomida o‘g‘irlik va aldov bilan shug‘ullanib keldi. Yetar endi!” deydi degele ismi bilan izoh qoldirgan foydalanuvchi.

“20 yil davomida ahmoqona teatrimizda asosiy rollarni ijro etuvchi bittagina vaysaqi balerina bor edi”, deydi sborisych nomi ostidagi ishtirokchi.

“Ruslar, uyqudan uyg‘onish va prezident Putinga o‘z murojaatimizni yo‘llash vaqti keldi”, deb yozadi vachek ismli foydalanuvchi.

Soxta ayblovlarning so‘nggi qatori

Putinning nutqi Kremlning tarixda boshqa davlatlar ichki ishiga aralashmagani haqida yaqinda qilgan bayonotidan so‘ng yangradi. Rossiyaning mazkur iddaosi uning aralashuvidan bevosita jabr ko‘rgan mamlakatlar fuqarolarining istehzosiga sabab bo‘lgan.

“Rossiyaning boshqa davlatlar ichki ishiga aralashadigan odati bo‘lmagan va hozirda ham yo‘q”, degan edi Kreml matbuot kotibi Dmitriy Peskov.

Oddiy faktlar ushbu da’volarni inkor etmoqda.

Markaziy Osiyoda Rossiya ishtirokida yuz bergan so‘nggi hodisalar, ayniqsa, bir qator harbiy “kelishuvlar”ning imzolanishi – Kremlning mintaqaga xatarli ta’sirini o‘tkazishga urinayotganini tasdiqlaydi.

Rossiyaning yaqinda Tojikistonga taqdim etgan “harbiy yordami” tahlilchilar tomonidan Moskvaning 2005-yildan beri ilk bor o‘z askarlarini tojik-afg‘on chegarasiga joylashtirishga urinishi o‘laroq baholanmoqda. Bu butun Markaziy Osiyo suverenitetiga tahdid soluvchi choradir.

Rossiya o‘z qo‘shnilariga tahdid solmoqda

Putinning yaqinda so‘zlagan nutqidagi tajovuzkor ritorikasi AQSH hukumati hisobotida keltirilgan ogohlantirishlarni tasdiqlamoqda.

Qo‘shnilarini o‘zining tahlikali fe’l-atvori bilan qo‘rqitishda davom etarkan, Rossiya mustaqil davlatlar suverenitetiga putur yetkazishga tayyor ekanligini ko‘rsatdi, deyiladi dekabrda e’lon qilingan Milliy xavfsizlik strategiyasi ma’ruzasida.

Ma’ruzada Moskvaning Markaziy Osiyo va butun dunyo davlatlarida amalga oshirayotgan qo‘poruvchilik faoliyati batafsil yoritilgan. Rossiyaning “yadroviy kuch-qudrat va hujumkorlik imkoniyatlarini namoyish etishga urinishi” ham shular jumlasidandir.

“Rossiyaning ambitsiyalari va o‘sib borayotgan harbiy imkoniyatlari birikmasi Yevroosiyoda beqaror vaziyatni vujudga keltirmoqda”, deyiladi ma’ruzada. “Bu yerda Rossiyaning hisob-kitoblardagi yanglishuvi tufayli to‘qnashuv xavfi oshib bormoqda.”

Sizga maqola yoqdimi?

Fikrlar 20

Siyosat * Majburiy 1500 / 1500

video si yoqmi

Javob berish

Rossiyaning eng asosiy yengilmas quroli – bu yomon yo‘llar va axmoqlar

Javob berish

Agarda Rassiya O'rta Osiyo dan o'z qo'shinlarini olib chiqib ketsa,afg'onlarning o'z holiga tashlanishi,ularning ertaga Tojikiston va boshqa qo'shni hududlarga hujumiga,minglab qurbonlarga olib keladi.Men Putinni qo'llamayman ammo uning to'g'ri siyosat olib borayotganiga ishonaman.Rassiyani O'rta Osiyoga befarq qarashi nafqat Afg'onlar bilan bog'liq,balki mintaqa tinchligiga aloqadordir.

Javob berish

Saroyning bolshevizmi nolga tenglashdi

Javob berish

Birinchidan, maqola va ro‘yi-rost gaplar uchun muallifga tashakkur! Barakalla, chinakam professional tahlilchi! Ikkinchidan, fikrlarimiz mutloq mushtarak ekan. U multfilm ko‘rsatib, odamlarni laqillatmoqchi bo‘ldi. Ularda eng zo‘r qurol degan da’vo esa g‘irt yolg‘on. Men o‘zim qozoqman, 1986-88-yillarda sovet armiyasida xizmat qilganman va ularning armiyasi, askarlari qandayligidan yaxshigina xabarim bor. MIG va SUlarni ularga nemis konstruktorlari yasab berishgan, bomba tashuvchi, atom bombasi va boshqa qurollarning chizmalarini esa ular AQSHdan o‘g‘irlaganlar. O‘zlari hech nima qilishni bilmaydilar. Kalashnikov avtomatini ham o‘g‘irlashgan, UAZ-69 nusxasini Amerikaning “Villis” yuk mashinasidan ko‘chirishgan. Ular hatto davlat nomini ham o‘g‘irlab olishgan.

Javob berish

Bu maqoladan kura kuproq xasadga uxshaydi, manimcha bu rassiyaning xali jamoatchilika elon qilingan qirolari xali maxfiy qirolari qancha savet itifoqi davrida ham rus olimlari oldinda edi hozirham oldinda

Javob berish

Ha, mayli, Vlad.

Javob berish

Putin xato qilyapti agar urush bolsa xammamiz ni oldirvoradi menimcha putin arolshmagani maqul

Javob berish

Suriya sizga o‘rnak bo‘lmadimi?

Javob berish

Karvonsaroy har doimgidek savodsiz odamlarning dastagiga umid qilmoqda, Putin bugungi kunda eng yaxshi prezident! Har bir sog‘lom fikrlovchi odam buni biladi…

Javob berish

Bu doimiy emas, degan taxmin bor. O‘qimishli odamlar tabiiy resurslar va xomashyo dollar “narxida” bo‘lgan joylarga ko‘chib ketishdi. Eskirgan, offshorlar bilan soxtalashtirilgan va bank seyflarida saqlangan emas, haqiqiylari bor yerda. Shunday bo‘lsa ham, sog‘lom fikrlovchi odamlar Londondagi “Gaydpark”da sayr qilib yurishibdi, ammo bu xavfsiz emas... Hozirgi vaqtda eng yaxshi prezident – Putin. “Hamma saylovga!”

Javob berish

“20 yil?” bu hali tugagani yo‘q. Yangi “xanjar” havo kengliklarida 10M tezlik bilan uchib, buning ustiga keskin manevrlarni amalga oshirarkan! O‘zingiz o‘ylab ko‘ring....... (Max 10 - tovush tezligidan o‘n baravar katta (Max raqami))

Javob berish

Cho‘g‘dek qizib turgan zarba to‘lqini bilan “Kinjal” (Xanjar) hududni “qayta shakllantiradi” (Olovli sharlar!).

Javob berish

“Xoh ishon, xoh ishonma”: Rutiniyada yangi daxshatli qurol ishlab chiqildi. Bu aviatsiyani qurollantirish uchun plazma generatori...

Javob berish

Bema’ni narsalarni gapirayotgandi

Javob berish

Qo‘ysanchi! Putin saylov oldidan harbiy texnika haqida ma’lumot ulashganmish. Albatta shunday, ammo buning boshqa sababi ham bor. NATO bosim o‘tkazmoqda.

Javob berish

Xuddi “valdiragandek”

Javob berish

…“abgor holatda”? Yuz minglab zambarakli, pulemyotli o‘zi yurar aravalarchi? Yevropani yer bilan yakson qilib, o‘lja qilib olingan “Mistrallarda” AQSHga ham yetib boramiz (Mistral - Fransuz vertolyot tashuvchisi. Rossiya Fransiyaga ikkita shunday tashuvchiga buyurtma bergan. 2015-yilda xalqaro sanksiyalar va tangliklar sababli Parij shartnomani bekor qilgan.)

Javob berish

Moskva fizika-muhandislik institutida (MIFI) o‘qiganlar eslasa kerak, 60-yillarda “Atomga qarshi ko‘rinmas samolyot loyihasi” nomli qalin kitob qo‘lma-qo‘l bo‘lgandi.

Javob berish

… bu “o‘tmish sarqiti”. “Federal majlisga murojaatnoma” “ayni damda” (barcha xalqlar uchun ma’lumot o‘rnida) keng ommaga e’lon qilingan va “qo‘ldan-qo‘lga o‘tib yuribdi”.

Javob berish