NUR-SULTON – Mustaqil Qozogʻiston tarixida 2019-yil Qozogʻiston prezidenti Nursulton Nazarboyevning mart oyida oʻz lavozimidan ketishi bilan esda qoldi. U 1990-yildan beri mamlakatni boshqarib kelgan.
Sobiq prezident bir nechta lavozimni, jumladan Millat yetakchisi va davlat xavfsizlik kengashining umrbod rahbarligini saqlab qoldi.
Senat raisi Qosim-Joʻmart Toʻqayev prezident vazifasini bajaruvchi etib tayinlandi. Uning birinchi qilgan ishi 23-mart kuni mamlakat poytaxti Ostonani Nazarboyev sharafiga Nur-Sulton deb nomlash haqidagi qarorni imzolash boʻldi.
9-iyun kuni Qozogʻistonda prezident saylovi boʻlib oʻtdi, unda Toʻqayev 71 foiz ovoz bilan gʻalaba qozondi. Toʻqayev Nazarboyevning siyosatini davom ettirdi, ammo bilbordlar va tashkilotlar idoralarida oʻz suratini ilishni taqiqladi.
Xalqaro maydonda Qozogʻiston tomonidan oʻtkazilgan muhim tadbir Jusan (Achchiq shuvoq) operatsiyasi boʻldi, unda “Islom davlati” (ID) jangarilari va ularning qaramogʻidagilar – jami 600 dan ortiq qozogʻistonlik Suriyadan vataniga qaytarildi.
Shuningdek, terrorchi tashkilotlarga aʼzolikda ayblanib, Iroqda umrbod qamoqqa hukm qilingan qozoq ayollarining farzandlari ham vataniga qaytarilgan .
Huquqni muhofaza qilish idoralari uchun terrorchilikka qarshi kurash ustuvor vazifa boʻldi. 2019-yilda Qozogʻiston hukumati uchta terrorchilik hujumning oldini oldi va yettita ekstremistik guruhni yoʻq qildi.
Hukumat xabariga koʻra, 2019-yil boshida Qozogʻiston aholisi 18 396 000 kishini tashkil etgan. 2020-yilda aholini roʻyxatga olish rejalashtirilgan. Soʻnggi marta aholi 2009-yilda roʻyxatdan oʻtkazilgan.
Yangi yil arafasida har bir shaharda mahalliy hokimiyat bolalar uchun bayram oʻtkazishni tashkillashtirgan. 1-4-yanvar Qozogʻistonda bayram kunlari etib belgilangan.
ddddddddddddddddddddlllllllllllllllllllllllllllllllllllllllllllaaaaaaaaaaaaaaaaaaaaaaaaaaaaaaaaaaaaaaabbbbbbbbbbbbbbbbbbbbbbbbbbbbbbbbbbbbbbbbbbbb
Javob berishFikrlar 1