Iqtisodiyot

Qirgʻiziston iqtisodiy naf keltirmayotgan YOIIni boykot qilmoqchi

Kanat Altinbayev

image

Suratda: qozoq-qirgʻiz chegarasidagi oʻtish punkti, yanvar. Ikki mamlakat ham YOIIga qoʻshilgandan keyin chegaradagi tekshiruvlar koʻproq vaqt ola boshlagan. [Kanat Altinbayev]

BISHKEK – 2015-yilda Rossiyada rahbarligidagi Yevrosiyo iqtisodiy ittifoqiga (YOII) qoʻshilish koʻzga koʻrinarli foyda bermay, aksincha tanglikka sabab boʻlayotgani Qirgʻizistondagi xavotirlarni kuchaytirgan.

Bundan tashqari, Kreml YOIIni barcha aʼzo davlatlar uchun uygʻunlik va farovonlik vositasi sifatida ilgari surishiga qaramay, Qirgʻizistonning qoʻshni Qozogʻiston bilan munosabatlarida ziddiyatlar yuzaga kelgan.

Qirgʻiziston YOIIdan oʻz vakillarini chaqirib olish va tuzilma faoliyatiga boykot eʼlon qilish imkoniyatini koʻrib chiqmoqda, deb bayonot berdi iqtisodiyot vaziri Sanjar Mukanbetov parlamentning Xalqaro ishlar, mudofaa va xavfsizlik boʻyicha qoʻmitasining 9-iyun kuni boʻlib oʻtgan majlisida.

Yuk mashinalarining toʻplanishi va munosabatlarning yomonlashuvi

May oyi oxirida, koronavirus pandemiyasi bilan bogʻliq favqulodda holat bekor qilingach, Qozogʻiston Qirgʻiziston bilan chegarada yuklarni tekshirishni kuchaytirdi.

Natijada Qirgʻiziston tomonida 500 tadan ortiq yuk mashinasi toʻplanib qolgan, ularning hammasi kunlab, ayrim hollarda esa haftalab tekshiruvdan oʻtish uchun navbatini kutgan.

Qozogʻiston qirgʻiz tovarlarini Rossiyaga yoki Yevropaning boshqa hududlariga olib oʻtishda yagona quruqlik yoʻli hisoblanadi.

Bishkekning fikricha, tekshiruvlarning kuchaytirilgani YOII doirasida tovar va xizmatlarning erkin harakatlanishi tamoyillariga zid keladi.

Agar muzokaralar natija bermasa, Qirgʻiziston “YOIIdan oʻz vakillarini chaqirib olishi” mumkin, natijada kvorum boʻlmaydi va ittifoq hech qanday qaror qabul qilolmaydi, dedi Mukanbetov parlament qoʻmitasiga.

Qirgʻizistonga tegishli yuk mashinalarini tekshiruvdan oʻtkazgan qozoq rasmiylari soliqqa oid qoidabuzarliklarni va Qirgʻiziston tomoni “yuk tashishda shaffoflikni taʼminlamaganini” aniqladi. Bu haqda 10-iyun kuni Qozogʻiston savdo va integratsiya vazirligi maʼlum qilgan.

Vaʼdalar bajarilmagan

YOIIga aʼzolik Rossiyaning birgalikda rivojlanish haqidagi vaʼdalarini unutmagan koʻplab qirgʻizlar koʻz oʻngida yomon bitimga aylandi.

Qirgʻiziston YOIIga aʼzo boʻlganidan beri qirgʻiz biznesi koʻplab muammolar, jumladan Rossiyaning arzon mahsulotlari bilan raqobatning kuchayishi va eksport yoʻlidagi toʻsiqlarga duch keldi, deydi Bishkekda quritilgan meva mahsulotlari ishlab chiqaruvchi Ayan Risqulov.

“Chegaradagi tekshiruvlar har doim ham asosli boʻlavermaydigan YOII talablari tufayli qatʼiylashdi”, dedi Risqulov. “Bu umuman biz kutgan narsa emas.”

Sizga maqola yoqdimi?

Fikrlar 6
Siyosat * Majburiy 1500 ta belgi qoldi (1500 max)

Siz nima deb oʻylagandingiz? Qozogʻiston va Belorussiya YOII aʼzolari sifatida oʻz neft mahsulotlarini (benzin, solyarka) Rossiya hududida 25 rubldan sotmoqchi edi. Ammo Rossiya surbetlarcha oʻz chegaralarini yopdi va bu mahsulotlarni kiritmadi! Rossiya boshqa mahsulotlar va YOIIning boshqa aʼzolari bilan ham xuddi shunday yoʻl tutadi. Rossiya ziyon koʻrishni yoqtirmaydi. U YOII ichida oʻz mahsulotlarini sotishni xohlaydi, lekin boshqalar uchun oʻz bozorlarini yopadi! “Moskva xalqi javdar eksa ham, yolgʻon bilan yashaydi!” - Ivan Xvorostinin!

Javob berish

YOIIga qoʻshilish puxta oʻylanmagan qadam ekanligiga tobora koʻproq amin boʻlib boryapman. Oʻylab qaralsa, ushbu ittifoq faqat Rossiya uchun foydali ekanini koʻrish mumkin. Boshqa aʼzo davlatlar ayanchli holatga tushib qolishmoqda va bu faqat boshlanishi! Qirgʻizlar malades, hammamizni oʻylashga majbur qilishdi!

Javob berish

Oʻzing uchun gapir, BIZ uchun emas.

Javob berish

Juda haqqoniy maqola!

Javob berish

Rossiya va Xitoy haqiqiy yovuzlikdir

Javob berish

Sen oʻzing yovuzsan

Javob berish