DUSHANBE – O‘nlab tojik imomlari dekabr oxirida boshlangan imtihonda diniy bilimlari past bo‘lib chiqqani sababli o‘z lavozimlaridan bo‘shatildi, deb xabar berdi AsiaPlus juma, 5-yanvar kuni.
Tojikistonda imom-xatiblar 9 yildan beri imtihondan o‘tkazib kelinadi. Imtihonlar hukumatning Din ishlari bo‘yicha qo‘mitasi va ulamolar kengashi a‘zolaridan iborat komissiya tomonidan o‘tkaziladi.
Test topshirgan 265 imomdan bir necha o‘n nafari imtihondan yiqilgan va ishdan bo‘shatilgan.
Diniy ishlar qo‘mitasidagi manbaning xabar berishicha, yana 3000 ta imom imtihondan o‘tkazilishi kutilmoqda.
