BISHKEK – 2018-2019-o‘quv yiliga qadar, Qirg‘iziston maktablaridagi 5-6-sinf o‘quvchilarining barchasi yangi darsliklar bilan ta’minlanadi. Bu haqda seshanba, 27-fevral kuni Ta’lim va fan vazirligiga asoslanib, 24.kg nashri xabar berdi.
Qirg‘iziston hukumati Jahon banki ko‘magida 3 million nusxada yangi darsliklarni chop etishga yaqin turibdi.
Shuningdek, rasmiylar Osiyo taraqqiyot banki bilan hamkorlikda 7-8-sinf o‘quvchilari uchun mo‘ljallangan matematika va tabiatshunoslik fanlariga oid yangi darsliklar ustida ish boshlagan.
Vazirlikka ko‘ra, o‘tgan yili qirg‘izistonlik maktab o‘quvchilarining 83 foizi yangi darsliklar bilan ta’minlangan edi.