DUSHANBE – O‘zbekiston korxonalari 9-11-mart kunlari Dushanbe shahrida bo‘lib o‘tadigan savdo ko‘rgazmasida ishtirok etadilar, deb xabar berdi Asia-Plus dushanba, 5-mart kuni.
Tojikiston poytaxtidagi “Manej” sport majmuasida o‘tkazilishi rejalashtirilayotgan ko‘rgazmada 60 ta o‘zbek kompaniyasi qatnashadi, deyiladi Tojikiston savdo-sanoat palatasi xabarida.
Tadbir davomida tojik va o‘zbek tadbirkorlari o‘rtasida hamkorlik shartnomalari imzolanishi mo‘ljallangan.
10-yanvar kuni Dushanbeda savdo-iqtisodiy hamkorlik bo‘yicha Tojikiston-O‘zbekiston hukumatlararo komissiyasi tomonidan ikkala mamlakat poytaxtida ko‘rgazmalar o‘tkazish bo‘yicha kelishuv imzolangan edi.
Ko‘rgazma O‘zbekiston prezidenti Shavkat Mirziyoyevning Tojikistonga 9-10-mart kunlariga belgilangan davlat tashrifi bilan bir vaqtda o‘tkaziladi.
Tojikiston va O‘zbekiston o‘rtasidagi munosabatlar 2016-yilda Mirziyoyev hokimiyat tepasiga kelganidan beri yaxshilanib bormoqda. Tojikiston Respublikasi davlat statistika qo‘mitasi ma’lumotlariga ko‘ra, o‘tgan yili ikki mamlakat o‘rtasidagi savdo hajmi 126 million dollarni tashkil qilgan.
