ASHXOBOD, Turkmaniston – Turkmanistonning turli yordam yuklari ortilgan avtokarvoni Afgʻonistonga yetib keldi, deb xabar berdi oʻtgan haftada “Oltin asr” turkman telekanali.
Karvon prezident Gurbanguli Berdimuhamedovning buyrugʻi bilan 24-iyul kuni yoʻlga chiqqan edi. U dori-darmonlar, darsliklar, maktab anjomlari, bolalar kiyim-kechaklari, tekstil va shirinliklar olib kelgan.
Urush tufayli vayron boʻlgan Afgʻonistondagi barqarorlikka koʻmaklashish maqsadida, Turkmaniston muntazam ravishda ushbu mamlakatga insonparvarlik yordamlari hamda imtiyozli narxlarda elektr energiyasi va tabiiy gaz yetkazib turadi.
