2017-11-16 | Xavfsizlik

Rossiyaning ijtimoiy tarmoqlardagi “yolg‘on devori” fosh etildi

AFP

Rossiya Mudofaa Vazirligi amerikalik harbiylar jangarilarga yordam berganini “isbotlash” uchun videoo‘yindagi tasvirlardan foydalanishga urindi. Ijtimoiy tarmoq foydalanuvchilari Moskvaning da’volarini puchga chiqarishdi.

Vashington, Kolumbiya okrugidagi jurnalist 14-noyabr kuni YouTube orqali videoo‘yindan olingan tasvirlarni ko‘rib chiqdi. Rossiya Mudofaa Vazirligi ayni tasvirlarni ulashgan va bu bilan Amerika Qo‘shma Shtatlarini Yaqin Sharqda Islom davlatiga yordam berayotganini ta’kidlagan. Lekin ijtimoiy tarmoq foydalanuvchilari buning dezinformatsiya ekanligini ko‘rsatib berishgan. [STF/AFP]

MOSKVA -- Rossiya Mudofaa Vazirligi seshanba kuni (14-noyabr) AQSH harbiylari Yaqin Sharqda “Islom davlati”ga (ISHID) ko‘mak berayotgani haqida tasvirlarni e’lon qilgan edi. Ammo ijtimoiy tarmoq foydalanuvchilari bu tasvirlarning videoo‘yindan olinganini aniqladilar.

Vazirlikning ijtimoiy tarmoqlardagi rasmiy sahifalari xabar berishicha, oq-qora tasvirlar 9-noyabr kuni Suriya-Iroq chegarasi yaqinida tushirilgan va “rad etib bo‘lmaydigan dalillarga ko‘ra, AQSH ISHID jangari guruhlarini himoya qilmoqda” deya taqdim etilgan.

Ammo Moskvada joylashgan Conflict Intelligence Team (CIT) nodavlat tashkiloti ijtimoiy tarmoq foydalanuvchilari bilan birga rasmlardan birini “AC-130 Gunship Simulator: Special Ops Squadron” o‘yini tasvirlari bilan tezda solishtirib chiqdi.

Twitterda chop etilgan boshqa rasmlar 2016-yili Falluja yaqinida Iroq harbiy havo kuchlari jangarilarni bombalayotgani haqidagi Iroq Mudofaa Vazirligi videoga tushirgan rolikdan olingan, deydi HNT.

AFP ham Rossiya Mudofaa Vazirligi yuborgan rasmlarini YouTube'dagi videoo‘yin tasvirlari bilan solishtirib, bir xilligini tasdiqladi.

Rasmlar keyinroq vazirlikning Twitter va Facebook sahifalaridan o‘chirilgan.

“Yolg‘on devori”

Moskvadagi AQSH elchixonasi Twitterda “ISHID bilan hamkor deya videoo‘yin va boshqa davlat hududidagi harbiy amaliyotlarning eski fotolaridan foydalanib, bizni ayblayotgan Rossiya Mudofaa Vazirligining asossiz da’volariga AQSh vaqt ketkazib o‘tirmoqchi emas” deb yozdi.

AQSHning mudofaa ishlari bo‘yicha vakili, polkovnik Rayan Dillon Rossiyaning bayonotini “yolg‘on devori” deb atadi va “bu ularning havo kampaniyalari kabi aniq” deb ta’kidladi.

“Men buni albatta tekshirib ko‘rolmayman, ammo, fotolardan biri videoo‘yindan olingani haqidagi xabarni ko‘rdim” dedi u. “Shuningdek, bu ko‘rib turgan holatimiz ruslarning [Mudofaa Vazirligining] xabari dalilsiz, noaniq va yolg‘on ekanligini ko‘rsatadi”.

Shu yilning avvalida turli ommaviy axborot vositalari televizion intervyu davomida Afg‘onistonda toliblar bilan kurashayotgan amerikalik harbiylar video lavhasini Suriyadagi Rossiya harbiy-havo kuchlari sifatida ko‘rsatib yuborilgani uchun Vladimir Putinni ayblashgan edi.

Kreml Putinning amerikalik rejissor Oliver Stounga intervyu davomida noto‘g‘ri kadrlarni ko‘rsatganini inkor etgan edi.

Sizga maqola yoqdimi?

Ca mobile no 144

Fikrlar

* Majburiy
Captcha

1 ta fikr…

musha | 2017-11-24

O‘zingizning hamma gaplaringiz yolg‘on, aldoqchilar

Asosiy maqola
2017-11-24 | Xavfsizlik

Suriya va Iroqdan qaytayotgan Qozog‘istonliklarni qiyinchiliklar kutmoqda

“Islom Davlati” mag‘lubiyat arafasida turgan bir paytda, guruhga a’zo bo‘lgan Qozog‘istonliklar o‘z uylariga qaytadigan ko‘rinadi, ularni vatanlarida aksil-terror choralar kutmoqda.

So‘rovnoma

Yaqin Sharq va undan tashqaridagi islomiy isyonlarning Markaziy Osiyoda qo‘llab-quvvatlanishi sustlashmoqda.

Natijalarni ko‘rish