БЕРЛИН – Transparency International ташкилотининг йиллик рейтинги маълумотларига кўра, Марказий Осиё давлатлари дунёдаги энг коррупциялашган давлатлар қаторида қолмоқда.
Коррупцияга қарши кураш бўйича нодавлат ташкилоти «Corruption Perceptions Index 2017» ҳисоботиничоршанба, 21 февраль куни эълон қилган. Рейтинг сўровлар ва ҳисоботлар таҳлилига асосланган бўлиб, унда «давлат секторидаги коррупциянинг тахминий даражаси» бўйича давлатлар рўйхати тузилган.
Рўйхатдаги 180 давлат ичида Қозоғистон 122, Қирғизистон 135, Ўзбекистон 157 ва Тожикистон 161-ўринда қайд этилган. Бунда юқори сонлар коррупциянинг юқори даражада эканлигини билдиради.
