ОЛМАОТА – Қозоғистонлик фаоллар Олмаотада икки кундан бери давом этаётган ҳибслар ҳақида огоҳлантирди, деб хабар берди Озод Европа/Озодлик радиоси (RFE/RL) душанба (17 декабр) куни.
Ҳуқуқ-тартибот органлари ходимлари «Ор. Руҳ. Ҳақ.» деб номланган инсон ҳуқуқлари ташкилоти раҳбари Бахитжан Торегхожина, юрист Гулнара Жуаспаева, ДАТ мухолифат газетаси асосчисини ҳеч қандай сабаб кўрсатмай қўлга олганлар, деб хабар қолдиришган душанба куни ҳуқуқ фаоллари Facebook саҳифасида.
Орал шаҳридаги «Уралская неделя» газетаси раҳбари Тамара Эслямова, бош муҳаррир Лукпан Аҳмедяровнинг уйларига ҳам орган ходимлари юборилиб, уларни уй ҳибсига жойлаштирган, деб хабар берди RFE/RL радиоси Қозоғистондаги ОАВни кузатувчи «Адил Соз» ташкилотига асосланиб.
Ҳибслар якшанба (16 декабр) куни бошланган, шу куни ҳуқуқни муҳофаза қилиш идоралари ходимлари бир нечта инсон ҳуқуқлари ҳимоячиларини, жумладан, мустақиллик кунига бағишланган намойишлар вақтида қўлга олишган.
Якшанба куни Оралда ҳуқуқ-тартибот идоралари «Уралская неделя» газетасининг журналистлари Мариа Мелникова ва Раул Упоровларни ҳам қўлга олган.
