НОРИН ВИЛОЯТИ -- Қирғизистон миллий хавфсизлик давлат қўмитаси (ГКНБ) пайшанба (20 июнь) куни тақиқланган Ҳизб ут-Таҳрир (ҲТ) гуруҳига алоқадорликда гумон қилинган 6 кишини қўлга олди, деб хабар бермоқда 24.kg нашри.
ГКНБ ва ички ишлар ходимлари Норин вилоятининг Отбоши туманида гумондорларнинг уйларида тинтув ўтказган.
Ҳуқуқни муҳофаза қилиш ходимлари ҲТ адабиётлари, қурол ва ўқ-дорилар, компьютер, телефон ва сим-карталарни мусодара қилганлар.
ГКНБ хабарига кўра, гумондорлар жиноят кодексининг «экстремистик ташкилот тузиш» моддаси бўйича жавобгарликка тортилади.