Карвонсарой

АҚШ расмийси Қозоғистон ва Ўзбекистонда минтақавий хавфсизлик масалаларини муҳокама қилади

Карвонсарой

НУР-СУЛТОН / ТОШКEНТ – АҚШ Давлат котибининг сиёсий масалалар бўйича ўринбосари Девид Хейл сешанба-жума (20-23 август) кунлари Тошкент ва Нур-Султонда юқори мартабали ҳукумат мансабдорлари билан музокаралар ўтказади. Бу ҳақда АҚШнинг Ўзбекистон ва Қозоғистондаги элчихоналари хабар берди.

У иккала мамлакат расмийлари билан ҳамкорликка оид масалаларни муҳокама қилади, деб баёнот берган элчихоналар душанба (19 август) куни.

Ўзбекистонда хавфсизлик, таълим ва савдо масалалари кун тартибида турибди, дейилади баёнотда.

Хейлнинг Нур-Султонга ташрифи давомида эса Марказий Осиё ташқи ишлар вазирлари «C5+1» форматидаги олий даражали учрашувни ўтказадилар, унда «ўзаро боғлиқ, янада ривожланган ва хавфсизроқ Марказий Осиёга интилиш» йўлидаги қўшма саъй-ҳаракатлар муҳокама этилади, дейилади баёнотда.

«C5+1 – бу Қўшма Штатлар ва Марказий Осиёнинг беш мамлакати олдида турган умумий муаммоларни ҳал қилиш бўйича ҳамкорликдаги чоралар бўйича мулоқот формати ҳамда платформасидир», дейилади АҚШ Давлат департаментининг баёнотида.

Сизга мақола ёқдими?

Фикрлар 1

Сиёсат * Мажбурий 1500 / 1500

Россия ва Хитойнинг Марказий Осиёга таъсирини қандай йўл билан бўлмасин камайтириш керак

Жавоб бериш