ДУШАНБЕ – Тожикистондаги АҚШ элчихонаси сешанба (22 октябрь) куни Душанбе халқаро аэропортига радиацияни аниқлаш ускуналарини топширишга бағишланган тасма кесиш маросимида иштирок этди.
Ушбу жиҳозлар АҚШ энергетика вазирлиги томонидан Тожикистоннинг ядро ва радиация хавфсизлиги агентлиги билан ҳамкорликда тақдим этилган, дейилади элчихона хабарида.
Улар Тожикистон давлат божхона хизмати фойдаланувида ва техник хизматида бўлади.
Хабарда қўшимча қилинишича, ядро материаллари контрабандасига қарши кураш минтақавий хавфсизлик борасида АҚШ-Тожикистон ҳамкорлигининг устувор йўналишларидан биридир.