NUR-SULTON – Qozogʻistondagi 3500 dan ortiq taʼlim, madaniy va tibbiy binolar ehtimoliy terror xurujlaridan zarur darajada himoyalanmagan, deb xabar beradi Vlast.kz chorshanba (11-dekabr) kuni.
Parlament quyi palatasi (Majilis) spikeri Nurlan Nigmatulin Milliy xavfsizlik qoʻmitasi (MXQ) xulosalarini bayon qilar ekan, shunday bayonot bilan chiqqan.
Mablagʻ yetishmovchi sababli xavfsizlik sust darajada qolmoqda, deb aytgan Nigmatulin Vlast.kz xabariga koʻra.
Bu muammoni hal qilish maqsadida, 1-yanvardan boshlab, Qozogʻistondagi mahalliy hokimliklarga obyektlarni himoya qilish uchun ajratilgan mablagʻlarni boshqa maqsadlar uchun yoʻnaltirish taqiqlanadi, dedi bosh vazirning birinchi oʻrinbosari va moliya vaziri Alixon Smailov.
Terrorizmga qarshi kurashga oid milliy qonunga koʻra, politsiya mamlakatdagi obyektlarning ehtimoliy terror tahdidlaridan qay darajada himoyalanganini baholash maqsadida ularni har yili kamida bir marta tekshiruvdan oʻtkazadi, deya xabar bergan edi Karvonsaroy.
