Суратларда: Қозоғистон кўчаларида Янги йил шукуҳи

Қозоғистон шаҳарларида эски йилни кузатиш ва 2019 йилни қарши олишга тараддуд кўрилиб, Янги йил байрами олдидан безатилмоқда.

Айдар Ашимов

2019-01-01

Остона кўчалари қаҳратон сабабли деярли кимсасиз, ҳаво ҳарорати 30 даража совуқдан пастга тушгани сабаб одамлар ўз уйларида ёки ишхоналарда қолишга ҳаракат қилади. (Айдар Ашимов)

Остонадаги Оқўрда президент қароргоҳи, 26 декабр. Қарағанда вилоятида термометр кўрсаткичи рекорд -40°C даражага тушган. Остонада ҳаво ҳарорати -30°C даражагача тушиши кутилмоқда. Жанубий Қозоғистонда ҳарорат илиқроқ бўлади -12°C ва 0°C атрофида. (Айдар Ашимов)

Остонадаги Байтерек минораси, 25 декабр. Қаҳратон Остонада ҳамма нарса, жумладан, дарахтлар, бинолар ва кўчалардаги санъат асарлари ҳам қор ва муз билан қопланган. (Айдар Ашимов)

Қозоғистондаги ҳар бир шаҳарда янги йил арчаси бор. Суратда Тараз марказий майдони акс эттирилган, 24 декабр. (Айдар Ашимов)

Остонанинг энг чекка ҳудудлари ҳам байрам чироқлари билан безатилган, 25 декабр. (Айдар Ашимов)

Тараздаги дўкон, кафе, ресторан ва бошқа кичик фирмалар эгалари витриналарни Қорбобо, Қорқиз, арча ва бошқа эртакнамо қаҳрамонлар сурати билан безатганлар, 26 декабр. (Айдар Ашимов)

Янги йил байрами арафасида Остонадаги кичик дўконда совға танлаётган она-бола, 25 декабр куни олинган сурат. 2018 йилнинг сўнгги кунларида харидорлар ўз қариндошлари, дўстлари ва ҳамкасбларига совға олиш билан бандлар. (Айдар Ашимов)

Тараз марказий майдонида дид билан безатилган арча, 26 декабр. (Айдар Ашимов)

Таразликлар Қорбобо ва Қорқиз билан суратга тушишлари мумкин, 26 декабр. Маҳшур қаҳрамонлар миллий безакли либосларни кийиб олганлар. (Айдар Ашимов)

Шаҳарга келган меҳмонлар Тараз марказий майдонида айланиб суратга тушмоқдалар, 26 декабр. (Айдар Ашимов)

Тараз марказий майдонидаги безаклар ва чироқлардан завқ олаётган болакайлар, 26 декабр. (Айдар Ашимов)

Марказий Осиёликлар декабр ойи бошида ўз арчаларини безашни бошлайдилар. Қирғизистонлик журналист Мунара Боромбаева 7 декабр куни Бишкекдаги байрам безакларидан баҳра олмоқда. (Айдар Ашимов)

ОСТОНА – Эски йилни кузатиш ва 2019 йилни қарши олишга тайёргарлик кўраётган Қозоғистон шаҳарлари Янги йил байрами олдидан безатилмоқда.

31 декабрдан 2 январга қадар (душанба-чоршанба) қозоғистонликлар учун дам олиш кунлари этиб белгиланган. Бу куни идоралар ва мактаблар ёпиқ бўлади.

Шу кунларда барча шаҳар ҳокимиятлари болалар учун байрам тадбирларини ўтказадилар, уларга ўйинчоқлар, ширинликлар, ночор оилалар учун эса кийим ва мактаб анжомларидан иборат совғалар тақдим этадилар.

Кўпчилик қозоғистонлик оилалар Янги йилни гўштли таомлар, салатлар, мева ва шампан виносидан иборат анъанавий зиёфат билан кутиб олишади.

Остонадаги байрам арчаси, 20 декабр. Қозоғистонда бундай арчалар байрамдан 10 кун олдин ўрнатилади. (Айдар Ашимов)

Қозоғистонликлар 1 январ куни Янги йил байрамини нишонлашни бундан 150 йил аввал бошлаганлар. Шунингдек, март ойи охирида баҳорги кун ва тун тенглигига тўғри келадиган диний бўлмаган байрам – Наврўзни ҳам нишонланади.